პენიტენციური სამსახური ადასტურებს, რომ ხორავას ქუჩაზე დანაშაულის შეუტყობინებლობისთვის დაკავებულმა მირზა სუბელიანმა თვითმკვლელობა სცადა. ინფორმაცია უწყებამ მას შემდეგ გაავრცელა, რაც დაკავებულის ადვოკატებმა მედიასთან ისაუბრეს.

"გუშინ, 2018 წლის 15 ოქტომბერს, საღამოს, ბრალდებულ მირზა სუბელიანის მხრიდან ადგილი ჰქონდა სუიციდის მცდელობას, რაც დროულად იქნა აღკვეთილი სასჯელაღსრულების დაწესებულების ადმინისტრაციის მიერ", — აღნიშნულია პენიტენციური უწყების მიერ გავრცელებულ განცხადებაში.

მათივე ინფორმაციით, ამ საქართველოს იუსტიციის სამინისტროს საგამოძიებო დეპარტამენტმა გამოძიება საქართველოს სისხლის სამართლის კოდექსის 115-ე მუხლით დაიყწყო.

"ბრალდებული იყო და არის სულიერად აღელვებული, მაგრამ ის იმყოფება სამედიცინო პერსონალის ზედამხედველობის ქვეშ და მის სიცოცხლეს საფრთხე არ ემუქრება", — აღნიშნულია განცხადებაში.

მირზა სუბელიანის თვითმკვლელობის მცდელობას წინ უსწრებად რუსთავი 2-ის მიერ მისი შესაძლო მონაწილეობით აუდიოჩანაწერების გავარცელება. აუდიოჩანაწერების მოსმენის შემდეგ მმართველი პარტია დადგმულ სერიალზე საუბრობდა, ოპოზიცია კი სისტემურ დანაშაულზე.