საქართველოს პროკურატურაში რუსთავი 2-ის მიერ, სავარაუდოდ, მირზა სუბელიანის ჩანაწერებთან დაკავშირებით ბრიფინგი გაიმართება. როგორც On.ge-ს პრესსამსახურში განუცხადეს ჯერ უცნობია ბრიფინგის გამართვის ზუსტი დრო და თემა.

გუშინ, 14 ოქტომბერს მას შემდეგ, რაც რუსთავი 2-მა ჩანაწერები გაასაჯაროა პროკურატურაში განაცხადეს, რომ დაიწყო გამოძიება პატიმრობაში მყოფი პირის კერძო საუბრის უნებართვო ჩაწერის საქმეზე, თუმცა უწყებას ამ დრომდე არაფერი უთქვამს ჩანაწერების შინაარსზე.

გავრცელებული აუდიოჩანაწერის მიხედვით, რომელზეც სავარაუდოდ, ხორავას ქუჩის საქმეზე დანაშაულის შეუტყობინებლობისთვის დაკავებული, მირზა სუბელიანის საუბარია ასახული, ის ყვება, რომ ჩაწერილი და დაარქივებული აქვს უზარმაზარი რაოდენობის მტკიცებულებები, რომლებიც ქართული ოცნების გუნდის უკანონო საქმიანობაზე მიუთითებს. მისი თქმით, საუბარია ადამიანთა გატაცებასა და წამებაზე. სავარაუდოდ, მირზა სუბელიანი გახმაურებულ საქმეებთან ერთად ხელისუფლების მაღალჩინოსნებზეც საუბრობს, რომელთა შესახებაც, მისივე თქმით, კომპრომატებს ფლობს.

ამ ჩანაწერში, სუბელიანი ამბობს, რომ გახმაურებული საქმეების გახსნაში საგამოძიებო უწყებებს ეხმარებოდა. დახმარება კი ჩვენებების მოწმეების, ძალადობით, კონკრეტულად კი ცემით მოპოვება იყო. აუდიოჩანაწერში, რომლის ავთენტურობა ჯერ დადგენილი არ არის, სავარაუდოდ, სუბელიანის ქართული ოცნების დეპუტატ ვიქტორ ჯაფარიძესთან და ლტოლვილთა სამინისტროს ყოფილ მაღალჩინოსანთან, გენერალური ინსპექციის ყოფილ თანამშრომელთან, დათო ცუხიშვილთან საუბარია ასახული.

ამავე თემაზე: