საქართველოს განათლების, მეცნიერების, კულტურისა და სპორტის მინისტრმა სსიპ-ის ხელმძღვანელთა ვაკანტურ თანამდებობებზე შერჩეული კანდიდატები წარადგინა:

  • გამოცდების ეროვნული ცენტრი — სოფო გორგოძე;
  • განათლების ხარისხის განვითარების ცენტრი — გიორგი ვაშაკიძე;
  • მასწავლებელთა პროფესიული განვითარების ცენტრი — ბერიკა შუკაკიძე;
  • შოთა რუსთაველის ეროვნული სამეცნიერო ფონდი — ზვიად გაბისონია.

მინისტრს არ დაუსახელებია მანდატურის სამსახურის უფროსის კანდიდატი.

თანამდებობები ვაკანტური მას შემდეგ გახდა, რაც მინისტრმა, მიხეილ ბატიაშვილმა გამოცდების ეროვნული ცენტრის ხელმძღვანელი, მაია მიმინოშვილი და განათლების ხარისხის განვითარების ცენტრის დირექტორი, თამარ სანიკიძე გაათავისუფლა. თანამდებობიდან ასევე გაათავისუფლეს მასწავლებელთა პროფესიული განვითარების ეროვნული ცენტრის დირექტორი, გიორგი მაჩაბელი და შოთა რუსთაველის ეროვნული სამეცნიერო ფონდის დირექტორი, მანანა მიქაბერიძე.

ამასთან, თანამდებობიდან გაათავისუფლეს განათლების, მეცნიერების, კულტურისა და სპორტის მინისტრის მოადგილეები, თემურ მურღულია და ლია გიგაური. სამინისტროში მოადგილეების რაოდენობა 7-დან 5-მდე შემცირდა.