ახალი ამბავი არავისთვის იქნება, როცა ვიტყვით, რომ ნიკოლას ქეიჯს 20 წლის წინ სუპერმენის როლი უნდა შეესრულებინა. საბოლოოდ შეთანხმება მსახიობსა და კინოკომპანიას შორის ვერ შედგა და ქეიჯის მიერ განსახიერებულმა სუპერგმირმა დღის სინათლე ვერ ნახა.

მას შემდეგ კი, რაც ცნობილი გახდა, რომ ჰენრი კავილი სუპერმენის როლს აღარ შეასრულებს, DC-ის ფანები ამ როლზე ნიკოლას ქეიჯის დამტკიცებას ითხოვენ.

სავარაუდოდ კინოსტუდია ამ პერსონაჟზე ქეიჯის მიწვევას არც განიხილავდა, თუმცა მსახიობმა თავი დაიზღვია და წინასწარ თქვა უარი., თან ისე, რომ იქვე სხვა პერსონაჟის, ლექს ლუთორის თამაშისადმი მის დიდ სურვილზე მიანიშნა.

"სუპერმენის როლის შესრულება ჩემთვის უკვე დაგვიანებულია, თუმცა სიამოვნებით ვიქნებოდი ლექს ლუთორი", - ამბობს ქეიჯი.

ლექს ლუთორი გენიოსი, მეტროპოლისის ბიზნესმენი, რომელსაც საკუთარი კორპორაცია LexCorps აქვს. ამავე კომპანიაში მან შექმნა თავისი საომარი კოსტუმი. სწორედ ამ კოსტუმით იბრძოდა ის სუპერმენის და სამართლიანობის მხარეს, შემდეგ კი მათ წინააღმდეგ.

რაც შეეხება მის შესაძლებლობებს, ლუთორის ერთ-ერთი უპირატესობა არის ის, რომ კრიპტონიტი და უჩინარი ფარი აქვს. ასევე მას აქვს კვერთხი რომლითაც სხვის ენერგიას შთანთქავს და ისვრის ლაზერს.