დიმიტრი ტატიშვილი, რომელმაც დიდ დიღომში ბავშვებს აუზი დაუდგა, საკუთარ სახლში გარდაცვლილი იპოვეს. ინფორმაცია On.ge-ს ტატიშვილის მეზობელმა დაუდასტურა.

მეზობლის ინფორმაციით, გარდაცლილი, სავარაუდოდ, დანით არის დაჭრილი.

შინაგან საქმეთა სამინისტროს ცნობით, გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

დიმიტრი ტატიშვილს საზოგადოება მას შემდეგ იცნობს, რაც ზაფხულში კორპუსის ეზოში ბავშვებს აუზი დაუდგა. ტატიშვილი ამბობდა, რომ მისი მიზანი ზაფხულის ცხელ დღეებში ბავშვების გახარება იყო. სწორედ ამ მიზნით იყიდა აუზი და ღამით, ეზოში დაამონტაჟა, რათა არავის შეემჩნია და დილით გაღვიძებული ბავშვების რეაქციას დაკვირვებოდა.