კოლორადოს შტატში არსებულ დენვერის ზოოპარკს ახალი ბინადარი ჰყავს. ის დედამიწაზე ერთ-ერთი იშვიათი სახეობის ცხოველს მიეკუთვნება. მისი სახელია ხელფეხა და ის ოჯახ ლემურისებრნის წარმომადგენელია.

ამერიკის შეერთებულ შტატებში ამჟამად 24 ხელფეხაა და ყველა მათგანი ზოოპარკში ცხოვრობს. ველურად ისინი მადაგასკარის ტყეებში ბინადრობენ, თუმცა მათი პოპულაცია ნელ-ნელა მცირდება.

ფოტო: Denver Zoo

ხელფეხები ხეებზე ცხოვრობენ და მათ საკვების მოპოვების უცნაური მეთოდი აქვთ, ისინი ხეზე გამუდმებით აკაკუნებენ და მატლებს ეძებენ, რომლის პოვნის შემდეგაც სპეციალურად ადაპტირებული გრძელი, ვიწრო შუა თითით ხის მერქანს თხრიან, რათა მატლი გამოიყვანონ. ეკოლოგიური პერსპექტივიდან ისინი კოდალებს წააგავენ.

ზოოპარკის ახალ ბინადარს ტონკსი შეარქვეს. საინტერესო სახელები აქვთ მის მშობლებსაც, ტონკსის დედას ბეატრიქსი, ხოლო მამას კი სმეაგოლი ჰქვია. ცხოველებს სახელები ბეჭდების მბრძანებლისა და ჰარი პოტერის ცნობილი პერსონაჟების მიხედვით შეარქვეს.

ზრდასრული ხელფეხა

ზრდასრული ხელფეხა

ფოტო: nomis-simon/Flickr

მადაგაკსარში ხელფეხა ავ სულებთან ასოცირდება, რის გამოც მათ ხშირად კლავენ და ბოროტი სულების განდევნის მიზნით ხეებზე კიდებენ.

ტონკსი მომავალ რამდენიმე თვეს დედასთან გაატარებს, პარალელურად კი მას ზოოპარკის თანამშრომლებიც დააკვირდებიან, ასე რომ პაწაწინა ხელფეხას მზრუნველობა და ყურადღება არ მოაკლდება.