შინაგან საქმეთა სამინისტრომ On.ge-ს დაუდასტურა, რომ მთავრობა საქართველოში მარიხუანის სამედიცინო მიზნებისთვის მოყვანა-წარმოების საკითხზე მუშაობს. უწყების განმარტებით, ცვლილებს ახალ კანონპროექტში ასახავენ.

"მთავრობა განიხილავს ექსპორტზე გასატანად სამედიცინო და კოსმეტიკური მიზნით მარიხუანის მოყვანა-წარმოების საკითხს. ნებისმიერ შემთხვევაში ქვეყნის შიგნით მარიხუანას გასაღება რჩება დასჯადი სისხლის სამართლის წესით", — განუცხადეს On.ge-ს შსს-ს პრესსამსახურში.

ჯანდაცვის კომიტეტის თავმჯდომარის, აკაკი ზოიძის განმარტებით, აღნიშნული ინიციატივა მმართველმა გუნდმა 10 სექტემბრის უმრავლესობის სხდომაზე განიხილა.

"სამედიცინო მიზნით ექსპორტის ლიცენზიაზე იყო მსჯელობა, მაგრამ, საბოლოოდ, სანამ არ იქნება კანონპროექტი ვერ დაგიდასტურებთ, რომ ეს ინიციატივა კანონპროექტის საბოლოო ვერსიაში აისახება", — განაცხადა აკაკი ზოიძემ.

ის ამბობს, რომ ინიციატივა მარიხუანას მოხმარების შემზღუდველ კანონპროექტთან ერთად მთავრობის სხდომაზე იქნება წარდგენილი.

ამავე თემაზე: