კლავს თუ არა მარიხუანა ტვინის უჯრედებს?

როცა პირველად მოვისმინე სიტყვა მარიხუანა, პლანი, მოსაწევი და ზოგადად კანაბისის აღმნიშვნელი სიტყვები, მაშინვე გავიგე ისიც, რომ მარიხუანა თურმე ტვინის უჯრედებს კლავს, თან ისე, რომ რეგენერაციის შანსი საერთოდ აღარ არსებობს.

ეს მითი ქართული მეგონა, მამების და "ვზროსლების" გამოგონილი, იმისთვის, რომ თინეიჯერები და ახალგაზრდები მარიხუანის მოწევისგან დაეცვათ. თუმცა აღმოვაჩინე, რომ ეს მოსაზრება ფართოდაა გავრცელებული მთელ მსოფლიოში, ხოლო პასუხი ამ შეკითხვაზე არის მხოლოდ ერთი:

მართლაც არსებობს ხელშესახები მეცნიერული დასკვნა, რომელიც მარიხუანას მავნე ზეგავლენას მცირედად ადასტურებს. მაგალითად, ამ დასკვნის მიხედვით, მარიხუანა ტვინს მცირე ზიანს აყენებს, თუმცა აქვე წერია, რომ კანაბისს ასევე აქვს უნარი, დაიცვას ტვინი შემდგომი ზიანისა და ტრავმებისგან.

ალკოჰოლი, კანაფისგან განსხვავებით, ტვინის უჯრედებს აქტიურად და შეუქცევადად აზიანებს. მისი მიღებისას ორგანიზმი გამოიმუშავებს აცეტალდეჰიდსა და სხვა რეაქციულ ჟანგებს. აცეტალდეჰიდი მსოფლიო ჯანდაცვის ორგანიზაციის პირველი ჯგუფის კანცეროგენების სიაში შედის. სწორედ ამ ნივთიერების ბრალია ალკოჰოლის მიღების შედეგად ნაბახუსევი. საქმე ისაა, რომ ღვიძლს აქვს უნარი, გამოიმუშაოს ფერმენტები, რომლებიც ალკოჰოლს შლიან და ორგანიზმისთვის უსაფრთხოს ხდიან. ფრაზა: "ღვიძლი ვეღარ ერევა, რა, დედას გეფიცები, რა!" სიმართლესთან ახლოსაა. რა რაოდენობის ფერმენტი უნდა გამოიმუშაოს ღვიძლმა, რომ დიდი რაოდენობის ან ცუდი ხარისხის ალკოჰოლი გადაამუშაოს? ბევრი, ამიტომაც ის ხანდახან ვერ ერევა და მთელი ტოქსინები სხეულსა და ტვინში ნაწილდება.

ახლა რაც შეეხება მარიხუანას: მარიხუანაში შემავალი აქტიური ნივთიერებები, ფიტოკანაბინოიდები, ორგანიზმში კონკრეტულ რეცეპტორებთან შედიან კონტაქტში. ადამიანის ორგანიზმი თავადაც ქმნის კანაბინოიდებს - ენდოკანაბინოიდებს, რომლებიც ძილს, მადას, ხასიათს, მეხსიერებას და სხვა ფუნქციებს არეგულირებენ. მარტივად რომ ვთქვათ, ჩვენი სხეული თავად "გამოიმუშავებს მოსაწევს".

არსებობს ორი ტიპის რეცეპტორი, CB₁ რეცეპტორი და CB₂ რეცეპტორი.

CB₁რეცეპტორები ტვინში, ცენტრალურ და პერიფერიულ ნეირონებშია განთავსებული, ხოლო CB₂რეცეპტორები იმუნური სისტემის უჯრედებში.

როცა CB₁რეცეპტორს დამატებით ვაწვდით კანაბინოიდს, უფრო კონკრეტულად კი THC-ს ანუ ტეტრაჰიდრაკანაბინოლს, ის გამოიმუშავებს:

აცეტილქოლინს - ე.წ. ნეირონების ძრავას, რომელიც ხელს უწყობს კუნთების მუშაობას. იმ შემთხვევაში თუ ორგანიზმი წყვეტს აცეტილქოლინის გამომუშავებას, ადამიანი პარალიზდება. ანუ - მარიხუანა სასარგებლოა მოძრაობასთან დაკავშირებული პრობლემების მქონე ადამიანებისთვის. ასევე არსებობს კვლევა, რომლის შედეგების მიხედვითაც, მეცნიერები ვარაუდობენ, რომ მარიხუანას შეუძლია ალცჰაიმერის პრევენციაც.
ნორადრენალინს - ნივთიერებას, რომელიც იწვევს აღგზნებას, გააქტიურებას, კონცენტრაციის მომატებასა და ა.შ. - სწორედ ამიტომაა THC-ის მაღალი შემცველობის მქონე მარიხუანა, ე.წ. სატივა ადამიანებს მოწევის შემდეგ ააქტიურებს. სატივას ტიპის მარიხუანას ხშირად იყენებენ დეპრესიის, ADHD-ს (ყურადღების დეფიციტისა და ჰიპერაქტიურობის აშლილობა) და სხვა ტიპის აშლილობების დროს.
დოპამინს - ერთ-ერთ ყველაზე მნიშვნელოვან ორგანულ ნივთიერებას, რომელიც არეგულირებს უამრავ ფიზიოლოგიურ პროცესს ორგანიზმში. დოპამინის ნაკლებობა იწვევს პარკინსონის დაავადებას, ADHD-ს, ასაკთან დაკავშირებულ კანკალსა და ა.შ.
სერატონინს - ნივთიერებას, რომელსაც "ბედნიერების ჰორმონს" უწოდებენ. ორგანიზმში სერატონინის სიმცირე იწვევს დეპრესიას, მღელვარებას და სხვა აშლილობებს. ამ ნივთიერების დამსახურებით, თქვენ ხართ ბედნიერები, უკეთ კონცენტრირებულნი, ნერვებიც წესრიგში გაქვთ და უკეთაც გძინავთ. სერატონინი აქტიურად გამოიყენება ანტიდეპრესანტებში.

და სხვა ჰორმონებსა და ნივთიერებებს.

მარტივად რომ ვთქვათ, CB₁-ს გააქტიურებით თაობა არ დადებილდება, პირიქით.

რაც შეეხება CB₂ რეცეპტორებს, ამ შემთხვევაში საქმე სხვა პროცესთან გვაქვს. ეს რეცეპტორები აქტიურ როლს ასრულებენ იმუნური სისტემის გაძლიერებასა და ორგანიზმში შემავალი ანთებითი პროცესების ჩაქრობაში.

სწორედ ამიტომ გამოიყენება მარიხუანა, როგორც მენტალური აშლილობების, ასევე კიბოს სამკურნალოდაც.

მეტსაც გეტყვით:

ეს არის მაკეილა კომსტოკი.

ამ სურათზე მას ლეიკემია აქვს და ქიმიოთერაპიის კურსს გადის. ეს ფოტო 4 წლის წინაა გადაღებული. ეს არის ის ფოტო, რომელსაც მორალისტების არმია ფეისბუქზე გადააშეარებს, კომენტარებში სამ გულს და "ამინ!"-ს დაუწერს და იმ საზიზღარი ძაღლის სტიკერს ჩაუსვამს. მერე გადავა სხვა ფოტოზე და მისი არსებობის შესახებ დაავიწყდება.

მაკეილაზე ქიმიოთერაპიას ეფექტი არ ჰქონია. როგორც მისი მშობლების მიერ შექმნილ საიტზე წერია, მკურნალობამ შედეგი არ გამოიღო, ამიტომ მათ გადაწყვიტეს მკურნალობისთვის ალტერნატიული მეთოდიც შეეშველებინათ. სამედიცინო მარიხუანის მიღების ნებართვა მაკეილაზე განცხადების დაწერიდან 10 დღეში გასცეს.

"პირველი პოზიტივი, რაც დავინახეთ იყო ის, რომ მაკეილას მადა და კარგი ხასიათი დაუბრუნდა", - ვკითხულობთ საიტზე.

ასე გამოიყურება მაკეილა დღეს:

ის უკვე 11 წლისაა და 4 წლის წინ საბოლოოდ დაამარცხა კიბო.

ეს კი სამი წლის ლენდონ რიდლია. აქ ის საავადმყოფოში წევს, ლეიკემიის დიაგნოზით.

ის ქიმიოთერაპიასთან ერთად მარიხუანის თერაპიასაც გადიოდა. ლენდონი დღეს ექვსი წლისაა და ასე გამოიყურება.

ეს 10 წლის ბრენდონია კალიფორნიიდან. 2011 წელს მას ეპილეფსიის დიაგნოზი დაუსვეს.

ამ ფოტოში ბრენდონის დედა გვამცნობს, რომ უკვე 2 წელიწადი გავიდა, რაც ბიჭს შეტევა აღარ ჰქონია. ეს ყველაფერი კი კანაფის ზეთის დამსახურებაა.

ცხადია, არსებობს კვლევები, რომლებიც მარიხუანას უკუჩვენებებზე საუბრობენ. მაგალითად, ვირთხებზე ჩატარებული ექსპერიმენტის შედეგად დადგინდა, რომ შესაძლოა მარიხუანას ჰქონდეს ნერიოტოქსიკური ეფეტი, იგივე შედეგი აჩვენა 1980 წელს ჩატარებულმა ექსპერიმენტმა მაიმუნებზე. თუმცა, მოგვიანებით, 1990 წელს ჩატარებული იმავე კლვევის შედეგები სრულიად განსხვავებული იყო.

საბოლოო ჯამში, სამეცნიერო წრე თანხმდება, რომ მარიხუანას ნორმალური და მცირე დოზები სასარგებლოა, ხოლო ქრონიკული და დიდი დოზებით მოხმარება - საზიანო. სხვათა შორის, საზამთროს, სტაფილოს, ვაშლის და ყველა ხილ-ბოსტნეულის დიდი დოზებით ჭამაც საზიანოა ადამიანის ორგანიზმისთვის. ის კი არა, ზედმეტმა წყალმაც შეიძლება მოგკლათ.

მოკლედ, ნეიროტოქსიკური ეფექტი შეიძლება ჰქონდეს, მაგრამ მარიხუანა ტვინის უჯრედებს არ კლავს.

ასევე იხილეთ:

ბოლო ამბები:

გირჩევთ