უკრაინის პრეზიდენტმა პეტრო პოროშენკომ, ვლადიმერ პუტუნის განცხადებას, ყირიმთან დაკავშირებით უპასუხა და თქვა, რომ რუსეთი ომის დასაწყებად რიტორიკას იყენებს. ამის შესახებ გამოცემა EUobserver წერს.

მისივე განცხადებით, უკრაინის წინააღმდეგ რუსეთის განცხადებები სამხედრო მუქარაა.

რუსეთის ფედერალური უსაფრთხოების სამსახური(FSB) უკრაინულ სპეცრაზმს ყირიმში ტერორისტული აქტის ჩატარების დაგეგმვაში ადანაშაულებს. მათი თქმით უკრაინულ ძალებთან დაპირისპირებას FSB-ს თანამშრომელი და რუსი ჯარისკაცი ემსხვერპლა. განცხადებას ეხმაურება პუტინიც.

პოროშენკოს თქმით, FSB-ს განცხადებები სრული ფანტაზიაა:

"რუსეთის განცხადებები, რომ უკრაინამ ტერორისტული შეტევა განახორციელა ოკუპირებულ ყირიმში ცინიკურია და ამით ამტკიცებენ, რომ აღმოსავლეთ უკრაინაში რუსული ჯარები არ არის".

რუსეთმა სამხრეთ უკრაინაში ყირიმის ნახევარკუნძულის ოკუპაცია 2014 წლის მარტში მოახდინა, რის გამოც ამოქმედდა აშშ-სა და ევროპის სანქციები მოსკოვის წინააღმდეგ.

ნახევარკუნძლის ანექსიას მასობრივი აქციები მოჰყვა კიევში, რომლის შედეგად, რუსეთის მიერ მხარდაჭერილი უკრაინის პრეზიდენტი ვიქტორ იანუკოვიჩი ქვეყნიდან გააძევეს. ამის შემდეგ კი უკრაინულ მხარესა და პრორუს სეპარატისტებს შორის დონეცკსა და ლუგანსკში შეტაკებები დაიწყო.

გასულ წელს გაფორმებული მინსკის სამშვიდობო შეთანხმება ჯერ კიდევ ვერ ახშობს დაძაბულობას. აღმოსავლეთ უკრაინაში თითქმის ყოველ დღე ხდება ორ მხარეს შორის შეტაკებები. კონფლიქტის შედეგად, დაახლოებით 9 500 ადამიანი გარდაიცვალა.