დღეს, რუსეთის ფედერალური უსაფრთხოების სამსახურმა (FSB) განაცხადა, რომ უკრაინული შეიარაღებული მხარის მიერ ანექსირებულ ყირიმში, დივერსანტების შეშვებისა და ნახევარკუნძულის ტერიტორიაზე, უკრაინული ჯაშუშური ქსელის მიერ დემონტაჟის მცდელობა შეაჩერეს. ინფორმაციას როიტერი ავრცელებს.

FSB უკრაინულ სპეცნაზს ყირიმში ტერორისტული აქტის ჩატარების დაგეგმვაში ადანაშაულებს. მისი თქმით უკრაინულ ძალებთან დაპირისპირებას FSB-ს თანამშრომელი და რუსი ჯარისკაცი ემსხვერპლა.

"ტერორისტული აქტის მიზანი, წინასაარჩევნოდ, რეგიონში პოლიტიკურ-სოციალური სიტუაციის დესტაბილიზაცია იყო".

FSB-ს თქმით, დაკავებულია დივერსანტების ერთი ჯგუფი, ნაპოვნია 20 ხელნაკეთი ასაფეთქებელი მოწყობილობა, ყუმბარები და სპეციალური იარაღი, რომლებსაც, მისივე თქმით, უკრაინელები იყენებდნენ.

ორშაბათს FSB-მ განაცხადა, რომ უკრაინა დივერსანტების ორი ჯგუფის ყირიმში შეყვანას ცდილობდა და რომ მცდელობა აღიკვეთა. მისივე თქმით, "მასიურ ცეცხლოვან დაპირისპირებაში" ერთი რუსი ჯარისკაცი დაიღუპა.

უკრაინულმა მხარემ როიტერს ინფორმაცია არ დაუდასტურა:

"ეს არის ყალბი ინფორმაცია" - განაცხადა უკრაინის თავდაცვის წარმომადგენელმა.

რუსეთმა 2014 წელს ყირიმის ანექსია მოახდინა. უკრაინა სტრატეგიულად მნიშვნელოვანი ნახევარკუნძულის დაბრუნებას მოითხოვს, თუმცა მოსკოვი ამბობს, რომ საკითხი გადაწყვეტილი და სამუდამოდ დახურულია.