საინფორმაციო სააგენტო როიტერსი ბელგიურ მედიაზე დაყრდნობით იუწყება, რომ ბრიუსელისკენ მიმავალმა ორმა თვითმფრინავმა დაშვებამდე წუთებით ადრე მიიღო შეტყობინება, რომ ბორტზე ასაფეთქებელი იყო. ერთ–ერთი თვითმფრინავი ბრიუსელში ოსლოდან მიფრინავდა.

ორივე თვითმფრინავი ბრიუსელის მთავარ აეროპორტში უსაფრთხოდ დაეშვა, ადგილზე არ ყოფილა გამოძახებული სპეციალური სამსახური, აეროპორტი კი მუშაობას ჩვეულ რეჟიმში აგრძელებს.

ბრიუსელის აეროპორტში რამდენიმე თვის წინ მომხდარ აფეთქებას 32 ადამიანი ემსხვერპლა, ათეულობით კი დაშავდა.