Skynews-ის ინფორმაციით, ნასამ, შეცდომით, ეროვნული განძი დაახლოებით 1000 დოლარად გაყიდა.

საუბარია იმ ჩანთაზე, რომლითაც 1969 წელს ნეილ ამსტრონგმა და ბაზ ოლდრინმა მთვარის ზედაპირზე დაახლოებით ოცი კილო მასალა შეაგროვეს და დედამიწაზე ჩამოიტანეს.

ნასამ უკვე მიმართა სასამართლოს, რათა შეცდომით გაყიდული ჩანთა უკან დაიბრუნოს. მათი განცხადებით, ეს არის უიშვიათესი არტეფაქტი და ეროვნული საგანძური.

ნასას წარმომადგენლები შეცდომას მხოლოდ მაშინ მიხვდნენ, როდესაც ნივთი ახალი მეპატრონის, ვინმე კლარსონის, მფლობელობაში გადავიდა.

ჩანთაზე ახლაცაა მთვარის ზედაპირის ფრაგმენტები. ნასაში მსგავსი გაუგებრობა პირველი არაა. 2005 წელს, კანზასში, კოსმოსური ცენტრის დირექტორმა აღმოჩინა დამნაშავე, რომელსაც მთვარის არტეფაქტები აუქციონზე გასაყიდად ჩუმად ჰქონდა გატანილი.