უკრაინულმა მხარემ უკვე დაადასტურა და ქართველ კოლეგებს გადასცა შეთანხმება იმაზე, რომ უკრაინასა და საქართველოს შორის მგზავრობა ID ბარათებით გახდეს შესაძლებელი. ამის შესახებ უკრაინული გამოცემა Unian წერს.

ამის შესახებ ინფორმაცია On.ge-ს საგარეო საქმეთა სამინისტროში დაუდასტურეს და განაცხადეს, რომ ჯერჯერობით საკითხზე მუშაობა გრძელდება. იგი ძალაში შევა მას შემდეგ, რაც ხელი მოეწერება დოკუმენტს.

Unian-ის კორესპონდენტის ცნობით, ახლა საქართველოს მთავრობაზეა დამოკიდებული, მოაწერს თუ არა ხელს. Unian საქართველოში უკრაინის ელჩზე, იგორ დოლგოვზე დაყრდნობით წერს, რომ მხარეები ამჟამად ყველა საჭირო დოკუმენტს ამზადებენ ხელმოსაწერად. მათივე ცნობით, დოკუმენტს, სავარაუდოდ, ხელი მოწერება სექტემბერში, გაეროს გენერალურ ასამბლეაზე, ნიუ იორკში.