საია და EMC: ბასიანსა და გალერიში ჩხრეკის მიზანი განჩინებაში დაუსაბუთებელი იყო
საქართველოს ახალგაზრდა იურისტთა ასოციაციისა და ადამიანის უფლებების სწავლებისა და მონიტორინგის ცენტრის ანგარიშის მიხედვით, 12 მაისს კლუბ ბასიანსა და გალერიში ჩატარებული ჩხრეკის საფუძვლიანობა სასამართლოს განჩინებაში დაუსაბუთებელი იყო. ამასთან, განჩინებაში არ იყო მითითებული, თუ კონკრეტულად რა ნივთის ამოსაღებად შევიდნენ საპოლიციო ძალები კლუბებში, რაც, ასევე, არასამთავრობო ორგანიზაციების აზრით, ხარვეზია.
EMC და საია მიიჩნევენ, რომ სპეცოპერაციის დროს გამოიკვეთა შემდეგი ხარვეზებიც:
- ანგარიშის მიხედვით, 12 მაისს საპოლიციო ძალების ამ მასშტაბით გამოყენებამ სახელმწიფოს მხრიდან რეპრესიულ ძალს დემონსტრირების შთაბეჭდილება შექმნა და ადამიანებში შიშის შეგრძნება გააჩინა;
- სპეცრაზმის ჩართვა ძალის დემონსტრირებად შეიძლება ჩაითვალოს იმიტომაც, რომ კლუბის შიგნით შეიარაღებული პირების შესახებ ინფორმაცია არ არსებობდა;
- სპეცრაზმის საქმიანობასთან დაკავშირებული სამართლებრივი ბაზა გასაიდუმლოებულია, რაც გამორიცხავს ამ საკითხის სათანადო კონტროლს;
- 12 მაისის სპეცოპერაციის მიზანი ბუნდოვანია, რადგან პოლიციას ნარკოტიკული საშუალებების გასაღების ბრალდებით უკვე დაკავებული ჰყავდა რვა პირი;
- თუ სპეცოპერაციის მიზანი ნარკოტიკის ამოღება იყო, უცნობია, თუ რატომ არ ჩატარდა საპოლიციო მოქმედება მაშინ, როდესაც არ იმართებოდა კონკრეტული ღონისძიება;
- ამასთან, ანგარიშის მიხედვით, ოქმში ჩხრეკის გადაუდებელი საჭიროება არაა აღნიშნული, როცა ღამის საათებში მხოლოდ გადაუდებელი აუცილებლობის შემთხვევაში ტარდება ჩხრეკა;
- ბასიანზე მყოფი სამი პირი პოლიციამ გაჩხრიკა, თუმცა აღნიშნულ მოქმედება დოკუმენტებში არაა აღწერილი;
- როგორც ანგარიშში ვკითხულობთ, კლუბთან სპონტანურად შეკრებილი ადამიანების მიმართ აგრესია იყო და პოლიციამ ფიზიკური ძალის გამოყენებით დაშალა აქცია.
- პოლიციის მხრიდან ადმინისტრაციული წესით დაკავება საპროტესტო მუხტის განეიტრალების შთაბეჭდილებას ტოვებდა; არ განიმარტა დაკავებების არსი;
- ამასთან, ადმინისტრაციული დაკავების ოქმებში 5 პირის ფიზიკურ დაზიანებებზეა საუბარი, რაც პოლიციის მხრიდან არაპროპორციული ძალის გამოყენებაზე მიუთითებს;
- პოლიციელები, რომლებიც სასამართლოში ამტკიცებდნენ კონკრეტულ
პირთა სამართალდარღვევებს, უშუალოდ არ მონაწილეობდნენ მათი დაკავების პროცესში; - სასამართლოს მიერ 4 პირის საქმეზე გამოტანილი დადგენილებები შაბლონურია და არ არსებობს მტკიცების სტანდარტი;
ზემოაღნიშნული პუნქტების გათვალისწინებით, საია და EMC სახელმწიფო უწყებებს კონკრეტული რეკომენდაციებით მიმართავენ:
- დაიწყოს გამოძიება უკანონო ჩხრეკებთან, ძალის გადამეტებასა და უკანონო დაკავებებთან დაკავშირებით;
- შსს-მ დეტალურად შეისწავლოს სპონტანური აქციის დაშლის შემთხვევა;
- სათანადო ყურადღება გამახვილდეს ჩხრეკის კანონიერების მაღალი
სტანდარტით შემოწმებაზე; - პარლამენტმა გაატაროს სამართალდარღვევათა სფეროს რეფორმა;
- გასაჯაროვდეს სპეცრაზმის საქმიანობის მარეგულირებელი აქტები;
- შსს-მ დაიცვას შეკრებისა და მანიფესტაციის კანონი და სამართლებრივად მოამზადოს თანამშრომლები ამ საკითხებთან დაკავშირებით;
- შსს-მ და პროკურატურამ გაასაჯაროვონ ზედოზირებით გარდაცვალების
ფაქტებთან დაკავშირებით მიმდინარე გამოძიების შედეგები; - პარლამენტმა მიიღოს გადაწყვეტილება რეფორმის დაჩქარებულად და მოკლე ვადებში
გატარებასთან დაკავშირებით;
შინაგან საქმეთა სამინისტრო კი მესამე სექტორის კვლევას არ ეთანხმება. როგორც შსს-ს იურიდიული დეპარტამენტის ხელმძღვანელი ბექა დოჭვირი აცხადებს, კლუბში შესვლას სათანადო სამართლებრივი საფუძველი ჰქონდა.
"ამ კლუბებში იყიდებოდა ნარკოტიკული საშუალებები. რაც შეეხებოდა კვლევაში მითითებულ დასკვნას იმასთან დაკავშირებით, რომ ძალა იყო არაპროპორციულად გამოყენებული, ამას არ ვეთანხმებით, იქიდან გამომდინარე, რომ კლუბის ფართობის გათვალისწინებით მობილიზებული იქნა იმ რაოდენობის სამართალდამცავი, რაც აუცილებელი იყო იქ მყოფი ადამიანების უსაფრთხოების დასაცავად", - აცხადებს დოჭვინი.
სპეცოპერაცია კლუბ ბასიანსა და გალერიში
12 მაისს, დაახლოებით ღამის 12 საათზე თბილისის ორ ღამის კლუბში, ბასიანსა და გალერიში სპეცოპერაცია ერთდროულად დაიწყო. შინაგან საქმეთა სამინისტრო გავრცელებულ განცხადებაში აღნიშნული იყო, რომ სპეცოპერაციას წინ 3-თვიანი საგამოძიებო მოქმედებები უძღვოდა და მათ ნარკორეალიზების ბრალდებით რვა პირი დააკავეს.
სპეცოპერაციისას კლუბების სტუმრები გარეთ გაიყვანეს. კლუბ ბასიანთან დაპირისპირება იყო სამართალდამცავებსა და მოქალაქეებს შორის. დაპირისპირება გაგრძელდა პარლამენტთან, იმავე ღამეს ჩატარებულ საპროტესტო აქციაზე. აქცია "ჩვენი თავისუფლებისთვის" გაგრძელდა მომდევნო დღეებშიც.
შინაგან საქმეთა მინისტრის, გიორგი გახარიას თქმით, ფსიქოლოგიურ ძალადობას ადგილი არ ჰქონია. მისივე თქმით, პოლიციას კლუბში, სპეცოპერაციის დროს იარაღით შესვლის კომპლექსი არ უნდა ჰქონდეს. გახარიას განცხადებით, მათი ძირითადი ამოცანა იყო დაედგინათ კავშირები კლუბურ ინფრასტრუქტურასა და იმ პირებს შორის, რომლებიც უკვე დაკავებული ჰყავდათ.
"ორშაბათს დილით კლუბში შესვლა, იქნებოდა როგორც მინიმუმ ძალიან გასაკვირი. ზოგიერთი ჩვენი კოლეგისგან, აბსოლუტურად ობიექტურად ალბათ, ღიმილის მომგვრელიც", - თქვა, ასევე, გახარიამ.
-
გადახედვაფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია ფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია
-
გადახედვაბაკურიანში, ზვავში მოყოლილი ადამიანის სამძებრო-სამაშველო ოპერაცია განახლდა ბაკურიანში, ზვავში მოყოლილი ადამიანის სამძებრო-სამაშველო ოპერაცია განახლდა
-
-
გადახედვაინფოგრაფიკა: პრინციპები, რომელსაც მოსამართლე უნდა ეყრდნობოდეს ინფოგრაფიკა: პრინციპები, რომელსაც მოსამართლე უნდა ეყრდნობოდეს
-
-
გადახედვასაქართველოს 10 საუკეთესო გამოსვლა ევროვიზიაზე საქართველოს 10 საუკეთესო გამოსვლა ევროვიზიაზე
-
გადახედვამასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს მასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს
-
გადახედვაახალი რობოტი ადამიანის სახის გამომეტყველებას იმეორებს ახალი რობოტი ადამიანის სახის გამომეტყველებას იმეორებს
-
-
გადახედვაროგორ აისახება ყინულის დნობა დღის ხანგრძლივობაზე? — ახალი კვლევა როგორ აისახება ყინულის დნობა დღის ხანგრძლივობაზე? — ახალი კვლევა
-
გადახედვაბელას ადგილას, ედვარდს დავშორდებოდი — კრისტენ სტიუარტი ბელას ადგილას, ედვარდს დავშორდებოდი — კრისტენ სტიუარტი
-
გადახედვამამუკა ხაზარაძე: რეალურად, ვდგავართ ძალიან დიდ გზაჯვარედინზე — ან ევროპა ან რუსეთი მამუკა ხაზარაძე: რეალურად, ვდგავართ ძალიან დიდ გზაჯვარედინზე — ან ევროპა ან რუსეთი
-
გადახედვაინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი ინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი
-
-
გადახედვაფრინველის გრიპი ძროხებში ვრცელდება — რა უნდა ვიცოდეთ ფრინველის გრიპი ძროხებში ვრცელდება — რა უნდა ვიცოდეთ
-
-
გადახედვაახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს ახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს
-
გადახედვა2023 წელს შემცირდა ქორწინების, განქორწინების და შობადობის მაჩვენებელი — საქსტატი დემოგრაფიულ მაჩვენებლებს აქვეყნებს 2023 წელს შემცირდა ქორწინების, განქორწინების და შობადობის მაჩვენებელი — საქსტატი დემოგრაფიულ მაჩვენებლებს აქვეყნებს
-
გადახედვაკვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს კვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს
-
გადახედვაემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი ემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი
-
გადახედვაბაკურიანში, თოვლის მასაში ერთი ადამიანია მოყოლილი — ადგილზე მუშაობენ მაშველები ბაკურიანში, თოვლის მასაში ერთი ადამიანია მოყოლილი — ადგილზე მუშაობენ მაშველები
კომენტარები