შინაგან საქმეთა მინისტრის გიორგი გახარიას განცხადებით, პოლიციას კლუბში, სპეცოპერაციის დროს იარაღით შესვლის კომპლექსი არ უნდა ჰქონდეს. ასე გამოეხმაურა მინისტრი პარტია ევროპული საქართველოს ლიდერის გიგა ბოკერიას რეპლიკას, რომლის მიხედვითაც იარაღით კლუბში შესვლა რისკი იყო.

მინისტრის თქმით, სამართალდამცველები კლუბში ავტომატებით გააზრებულად შევიდნენ.

"ეს იყო საპოლიციო ღონისძიება და იქ ცარიელი ხელით შესვლა შეცდომა იქნებოდა. კომპლექსი არ უნდა გვქონდეს, თუ როგორ შეიძლება შევიდე კლუბში ავტომატით, ეს იყო საპოლიციო ღონისძიება და ჩატარდა ისე, როგორც უნდა ჩატარებულიყო", - განაცხადა გიორგი გახარიამ პარლამენტში დეპუტატებთან მოხსენებით გამოსვლის დროს.