ილონ მასკმა ბოდიში მოუხადა ბრიტანელ მყვინთავს, რომელსაც რამდენიმე დღის წინ თავის ტვიტერზე პედოფილი უწოდა. ვერნ ანსვორზი მონაწილეობას იღებდა ტაილანდის მღვიმეში მყოფი ბავშვების გამოყვანის ოპერაციაში და მასკის შეთავაზებას, წყალქვეშა ნავის გამოყენებაზე, არარეალურად აფასებდა და აკრიტიკებდა.

"მისი ქცევები ჩემს მიმართ არ ამართლებს იმას, რაც მე მასზე ვთქვი და ამის გამო, ბოდიშს ვიხდი", - განაცხადა მასკმა. BBC-ის ცნობით, ტესლას დამფუძნებელმა თქვა, რომ ის გაბრაზებული იყო, რადგან მყვინთავმა მის შეთავაზებას პიარ-კამპანია უწოდა.

ანსვორზმა ასევე თქვა, რომ მასკს თავისი ნავი შეეძლო "მტკივნეულ ადგილას გაეკეთებინა". მას შემდეგ, რაც ილონმა მას პედოფილი უწოდა, მყვინთავმა განაცხად, რომ სასამართლოს მიმართავდა.

გაიგეთ მეტი: