ლენტეხში, სოფელ ზესხოში ცეცხლი უკიდია ტყის საფარს. საგანგებო სიტუაციების მართვის სამსახურის ინფორმაციით, სავარაუდოდ, ხანძარი მეხის ჩამოვარდნამ გამოიწვია. ამ ეტაპისთვის ხანძრის ლოკალიზება მიმდინარეობს.

უწყების განმარტები, რთული რელიეფის გამო, ადგილზე მობილიზებულია ცოცხალი ძალა. მეხანძრე-მაშველებმა ცეცხლის რამდენიმე ღია კერის ლიკვიდირება მოახერხეს.

ცეცხლის ქრობაში ჩართულია 120 მეხანძრე-მაშველი და ადგილზე იმყოფება ლოჯისტიკისა და კავშირგაბმულობის შესაბამისი ჯგუფები. ასევე, სამეგრელო-ზემო სვანეთის სატყეო სამსახურის თანამშრომლები.

უწყების განმარტებით, საჭიროების შემთხვევაში ხანძრის ქრობის პროცესში ვერტმფრენი ჩაერთვება. ამ დროის მონაცემებით, დამწვარია 2,5 ჰა ფართობი.