გასულ კვირას ცნობილი გახდა, რომ მსახიობი სკარლეტ იოჰანსონი ახალ როლზე დაამტკიცეს. ფილმს რუპერტ სანდერსი იღებს და ის ბიოგრაფიული დრამა იქნება.

კინოსურათს Rub&Tug ერქმევა და ისტორიის ეპიცენტრში დანტე გილია, რომელიც რომელიც 70-იან წლებში საკმაოდ ცნობილი გახდა სუტენიორობითა და პროსტიტუციით. საბოლოოდ გილი დააპატიმრეს და შვიდი წლით თავისუფლების აღკვეთა მიუსაჯეს.

ერთი შეხედვით ჩვეულებრივი კინოსიახლე დიდი სკანდალის მიზეზი გახდა. საზოგადოების უკმაყოფილება გამოიწვია იმან, რომ ტრანსგენდერის როლს არატრანსგენდერი მსახიობი, ამ შემთხვევაში სკარლეტ იოჰანსონი მოირგებს.

საყოველთაო აღშფოთებას გამოეხმაურა თავად სკარლეტიც.

"ვინც აპროტესტებს იმას, რომ ამ როლს დავთანხმდი, მიმართონ ჯეფრი ტამბორის, ჯარედ ლეტოსა და ფელისიტი ჰაფმენის აგენტებთან", - ამბობს სკარლეტი.

გეტყვით იმასა, რომ სკარლეტის მიერთ ჩამოთვლილი მსახიობებიდან ბოლო ორმა დიდი აღიარება და ოსკარის ნომინაციაც კი მიიღო, ჯეფრი ტამბორმა კი ოქროს გლობუსი.

მედია უკვე ალაპარაკდა იმაზეც, რომ სკარლეტმა ეს როლიც სწორედ ამიტომ აირჩია და მისი მთავარი გათვლა პრიზის მიღებაა. თუმცა უფრო დიდი ნაწილი თვლის, რომ ეს მისთვის, როგორც მსახიობისთვის დიდი გამოცდა და გამოცდილება იქნება.

ეს პირველი შემთხვევა არ არის, როდესაც იოჰანსონს როლის არჩევისთვისთვის აკრიტიკებენ, ფილში Ghost in the Shell, ის აზიელის როლს ასრულებს რაც მედიამ და კრიტიკოსებმა არასწორად ჩათვალა, რადგან მათი აზრით არასწორი და არასამართლიანია, როდესაც აზიელის როლს არააზიელი ასრულებს.

თუმცა, ამ შემთხვევაში მთავარი პრობლემა ის კი არ არის, რომ სკარლეტმა შეთავაზებული როლი აირჩია, არამედ ის, რომ ჰოლივუდი ასეთ როლებს ყოველთვის ტიტულოვან და პოპულარულ მსახიობებს სთავაზობს, რაც თავისთავად უსამართლოა ამ შემთხვევაში ტრანსგენდერი მსახიობების მისამართით.