აკციო, ლუმოს და სხვა შელოცვები, რომლებსაც ჩვენებურადაც გამოვიყენებდით

ყველას ერთხელ მაინც უოცნებია ჯადოქრობასა და ჯადოსნურ სამყაროში ცხოვრებაზე, თუმცა ალბათ საინტერესოა, როგორ გამოვიყენებდით მაგიას ჩვენსავე ცხოვრებასა და ყოველდღიურობაში.

სწორედ ამიტომ, მოიმარჯვეთ წარმოსახვითი ან ამაზონიდან გამოწერილი ყალბი ჯადოსნური ჯოხები და ნახეთ აკციო, ლუმოს და სხვა ნაცნობი შელოცვები, რომლებსაც ალბათ ჩვენებურად გამოვიყენებდით და ცხოვრებაც გაცილებით კომფორტული გახდებოდა.

1. ლუმოს

ახლა კაი დროსია, მაგრამ შელოცვა, რომელიც ჯოხის წვერიდან სინათლეს ასხივებს 90-იან წლებში ნამდვილად გამოგვადგებოდა.

წარმოიდგინეთ, საკუთარ ჯოხს რომ კარგავ და დროებით მეზობლის ლუმოსზე "ლევად" ზიხარ.

2. აკციო

მართალია, ჯადოსნურ სამყაროში ეს შელოცვა დაკარგული ნივთების მოსაძებნად გამოიყენება, თუმცა ჩვენ, შეყვარებულის მოსაძებნადაც გამოგვადგებოდა.

3. ალოჰომორა

როდესაც სამსახურში გვაგვიანდება და ამ დროს ჩვენი რომელიმე ოჯახის წევრი ტუალეტშია გამოკეტილი და ცოცხალი თავით არ გამოდის, კარების შესამტვრევად ეს შელოცვა ნამდვილი მისწრება იქნებოდა.

4. რეპარო

დიდი იმედი გვაქვს, რომ შელოცვა, რომელიც დაზიანებულ ნივთებს აღადგენს, გატეხილ გულებსაც გაამთელებდა.

5. ექსპექტო პატრონუმ

როცა ეზოს ბავშვები გჩაგრავენ და შენი პატრონუსი მამაშენია.

6. ექსპელიარმუს

ექსპელიარმუს განიარაღების შელოცვაა, რომლითაც ზაფხულში ნებისმიერ კოღოს განვაიარაღებდით.

7. ვინგარდიუმ ლევიოსა

ნივთების გადასაადგილებლად შექმნილი შელოცვა და აიფონის სირი, მეტი რა გვინდა ბედნიერებისთვის?

სიტუაცია შხაპის გადავლებისას: ვინგარდიუმ ლევიოსა (სმარტფონი) და ჰეი სირი პლეი მუსიკ.

8. აგუამენტი

აგუამენტი აბიტურიენტებში ძალიან პოპულარული შელოცვა იქნებოდა, რადგან მისი დახმარებით სასმელი წყლის გაჩენაა შესაძლებელი.

დამკვირვებელი - "თუ შეიძლება წყალი მხოლოდ იატაკზე გააჩინეთ"

9. ავადა კედავრა

სასიკვდილო შელოცვა, რომელიც დასავლეთ საქართველოში ფაროსანას პრობლემას სწრაფად გადაწყვეტს.

10. ობლივიატე

ობლივიატე დავიწყების შელოცვაა, რომლის დახმარებითაც ჩვენ მიერ აღებული სესხების შესახებ ბანკებს ყველაფრს დავავიწყებდით.

ბოლო ამბები:

გირჩევთ