Wizzair-ის გადაწყვეტილებით, მგზავრები თვითმფრინავში ხელბარგს უფასოდ ვეღარ აიტანენ. კომპანიის ოფიციალური პასუხით, ხელბარგის ატანას მხოლოდ ის მგზავრები შეძლებენ, რომლებსაც ე.წ. პრიორიტეტი (Wizz priority) აქვთ ნაყიდი. იმ მგზავრებს, რომლებსაც პრიორიტეტი ნაყიდი არ აქვთ, თავიანთი ხელბარგი, რომლის წონაც მაქსიმუმ 10 კილოა, თვითმფრინავის ტვირთის განყოფილებაში უნდა ჩააბარონ.

ეს ცვლილება არ ნიშნავს, რომ 10 კილოს ოდენობის ხელბარგის წაღება ფასიანი ხდება. ხელბარგის მომსახურება უფასო რჩება, მხოლოდ მისი თვითმფრინავში ატანა ხდება ფასიანი.

On.ge-ს ქუთაისის აეროპორტში განუცხადეს, რომ წესი 26 ივნისიდან ამოქმედდა და მგზავრები თვითმფრინავში მხოლოდ წელის ჩანთის ან პატარა ჩანტის ატანას შეძლებენ, სადაც ტელეფონი და საბუთები ჩაეტევა. Priority-ის საფასური ბილეთთან ერთად შეძენისას 4 ევრომდე მერყეობს.