სირიის არმიამ პალმირას ციტადელზე კონტროლი აღადგინა. ამის შესახებ ინფორმაციას AFP ავრცელებს.

"ტერორისტების რიგებში დიდი დანაკარგის შემდეგ, ჩვენმა შეიარაღებულმა ძალებმა კონტროლი აღადგინეს პალმირაზე",- ნათქვამია ადგილობრივი სამხედრო წყაროების მიერ გავრცელებულ განცხადებაში.

ერთი წლის წინ, 23 მაისს, ტერორისტულმა დაჯგუფება ისლამურმა სახელმწიფომ თავისი შავ-თეთრი დროშა აღმართა პალმირაში და UNESCO-ს სიაში მყოფი ათასწლოვანი ნაგებობები ააფეთქა.

მე-13 საუკუნეში აგებული პალმირას ციტადელი ისლამური კულტურის ერთ-ერთი უმნიშვნელოვანესი ძეგლია.