ჯონ ტრავოლტას ახალი ფილმი, რომელიც მაფიის ბოსის ჯონ გოტის შესახებ მოგვითხრობს, როგორც აღმოჩნდა, წლის ყველაზე წარუმატებელი პროექტია.

ფილმმა კრიტიკოსებისგან Rotten Tomatoes-ზე 0-პროცენტიანი შეფასება მიიღო. საერთო ჯამში მასზე 23 რეცენზია დაიწერა და თითქმის ყველა უარყოფითად აფასებს როგორც კინოსურათს, ასევე ტრავოლტას თამაშს და წერენ, რომ ის American Crime Story-ში შესრულებული რობერტ შაპიროს როლიდან ვერ გამოვიდა.

რაც შეეხება ფილმს, ჯონ გოტი 1980 წლების ყველაზე გამოჩენილი განსტერი იყო, რომელიც მუდმივად მედიის ყურადღების ეპიცენტრში გახლდათ თავისი მდიდრული ჩაცმულობით და სამი მოგებული სასამართლო პროცესით. მისი სასამართლო პროცესები ნამდვილი შოუ იყო და მას ცნობილი ჰოლივუდის მსახიობებიც ხშირად ესწრებოდნენ. გოტის უკავშირდება 1985 წლის 16 დეკემბრის გახმაურებული მკვლელობა მანჰეტენის ცნობილ რესტორანთან Spark Stakehouse, როდესაც გამბინოს ოჯახის ბოსი პოლ კასტელანო და მისი მარჯვენა ხელი ტომას ბილოტი მოკლეს.