სამი ოსკარის მფლობელი მსახიობის, მერილ სტრიპის სამომავლო პროექტებში უკვე 4 წელზე მეტია ერთი, ამ დრომდე განუხორციელებელი ფილმია.

HBO აპირებს ლეგენდარული ოპერის მომღერლის, მარია კალასის შესახებ სატელევიზიო ფილმი, მასტერკლასი, გადაიღოს.

ფილმის სიუჟეტი ტონის მფლობელი 1995 წელს დაწერილი პიესის მიხედვით შეიქმნება, რომელშიც კალასის ცხოვრებისა და კარიერის ბოლო წლებია აღწერილი.

ფილმის რეჟისორი მაიკ ნიკოლსი უნდა ყოფილიყო, თუმცა 2014 წელს რეჟისორი გარდაიცვალა და ამ ეტაპზე უცნობია თუ ვინ შეცვლის მას. ნიკოლსსა და სტრიპს უკვე უთანამშრომლიათ რამდენიმე პროექტზე, მათ შორის არის - Silkwood, Postcards from the Edge და Angels in America.

გამომდინარე იქიდან, რომ კინოსურათს HBO იღებს და ის მხოლოდ ტელევიზიით გავა, სტრიპი ამ როლით ოსკარის ნომინაციას ვერ მიიღებს, თუმცა დიდი ალბათობით ემისა და ოქროს გლობუსის მთვარი პრეტენდენტი გახდება.

საინტერესოა, როგორ მოირგებს ამ როლს მერილ სტრიპი. აქამდე მას უკვე უთამაშია რამდენიმე ფილმში სადაც მღერის, თუმცა მარია კალასის განსახიერება არც ისე მარტივი იქნება, რადგან როგორც სხვადასხვა წყაროები წერენ, სტრიპს ამ შემთხვევაშიც თავად მოუწევს სიმღერა.

ახლა მთავარია, 4 წლის წინ დაწყებული პროექტი HBO-მ ბოლომდე მიიყვანოს და აღირსოს ფილმს გადაღება.