პანკისში სპეცოპერაციის შედეგად გარდაცვლილი თემირლან მაჩალიკიაშვილის ადვოკატის განცხადებით, პრემიერთან და შს მინისტრთან შეხვედრაზე აქცენტები გაკეთდა მაჩალიკაშვილების მკვლელობასა და მის უდანაშაულოდ ცნობაზე. მისი თქმით, კონკრეტული შედეგი მოლაპარაკებას არ ჰქონია, მაგრამ აქვთ "პრემიერის სიტყვა და პირობა".

"ჩვენ ვილაპარაკეთ საქმესთან დაკავშირებით დეტალურად. პრემიერმა მოგვცა პირობა, რო პირად კონტროლს გაუწევს. მისი მხრიდან არ ყოფილა წინასწარი პირობა იმასთან დაკავშირებით თუ რა მოხდება", - განაცხადა ადვოკატმა.

მისივე თქმით, თუ პირობები არ შესრულდება და დამნაშავეები არ დაისჯებიან გონივრულ ვადაში, 10-14 დღეში აქციები დაიწყება. შეხვედრას არ ესწრებოდა სარალიძის ოჯახი. პრემიერი და შს მინისტრი მაჩალიკაშვილებს ცალკე შეხვდა.

კვირიკაშვილთან შეხვედრის სურვილი გუშინ, 3 ივნისს ზაზა სარალიძემ გამოთქვა. რის შემდეგაც ოპოზიციის ლიდერმა, გიორგი ვაშაძემ განაცხადა, რომ შეხვედრას მაჩალიკაშვილები და პარტიებიც დაესწრებოდნენ და შეხვედრის მიზანი იყო მთავრობის გადადგომა.

დღეს, 4 ივნისს პრემიერის პრესსამსახურმა განაცხადა, რომ კვირიკაშვილი ზაზა სარალიძეს და ლევან დადუნაშვილის ოჯახს, სახალხო დამცველთან ერთად, პოლიტიკური პარტიების გარეშე შეხვდებოდა.

მალხაზ მაჩალიკაშვილის განცხადებით, ის რომ პრემიერი მხოლოდ ხორავას ქუჩაზე მოკლულის მშობლებს შეხვდებოდა და მასთან შეხვედრა არ ისურვა დისკრიმინაციული მოტივებით იყო განპირობებული.

სარალიძემ განაცხადა, რომ პრემიერთან შეხვედრაზე მარტო არ შევიდოდა. მისი თქმით, შეხვედრას უნდა დასწრებოდა შვილმკვდარი მშობლებიც, საზოგადოებრივი ჯგუფებიც და პოლიტიკოსებიც. მისივე თქმით, მთავრობას ულტიმატუმებით ლაპარაკის უფლება არ ქონდა.

მოგვიანებით, ადმინისტრაციამ შესთავაზაhttps://on.ge/story/23647-%E1%83%A1%E1%83%90%E1%83%A0%E1%83%90%E1%83%9A%E1%83%98%E1%83%AB%E1%83%94-%E1%83%A8%E1%83%94%E1%83%97%E1%83%95%E1%83%90%E1%83%96%E1%83%94%E1%83%91%E1%83%90%E1%83%A1-%E1%83%93%E1%83%90%E1%83%97%E1%83%90%E1%83%9C%E1%83%AE%E1%83%9B%E1%83%93%E1%83%90-%E1%83%99%E1%83%95%E1%83%98%E1%83%A0%E1%83%98%E1%83%99%E1%83%90%E1%83%A8%E1%83%95%E1%83%98%E1%83%9A%E1%83%98%E1%83%A1-%E1%83%92%E1%83%90%E1%83%AE%E1%83%90%E1%83%A0%E1%83%98%E1%83%90%E1%83%A1%E1%83%90-%E1%83%93%E1%83%90-%E1%83%9B%E1%83%90%E1%83%A9%E1%83%90%E1%83%9A%E1%83%98%E1%83%99%E1%83%90%E1%83%A8%E1%83%95%E1%83%98%E1%83%9A%E1%83%98%E1%83%A1-%E1%83%A8%E1%83%94%E1%83%AE%E1%83%95%E1%83%94%E1%83%93%E1%83%A0%E1%83%90-%E1%83%93%E1%83%90%E1%83%98%E1%83%AC%E1%83%A7%E1%83%9D სარალიძეს და მაჩალიკაშვილს ოჯახებთან, ომბუდსმენთან და ადვოკატებთან ერთად შეხვედროდენ გიორგი კვირიკაშვილსა და გიორგი გახარიას.