სარალიძე მთავრობის შეთავაზებას, პოლიტიკური ჯგუფების გარეშე შეხვედროდა მას და მაჩალიკაშვილს დათანხმდა. ამ წუთებში, პრემიერი სარალიძის და მაჩალიკაშვილის ოჯახებს, შინაგან საქმეთა მინისტრთან, გიორგი გახარიასთან ერთად ხვდება.

გახარიას და მაჩალიკაშვილის შეხვედრაზე დასწრება ზაზა სარალიძის სურვილი იყო. შეხვედრას ესწრება ომბუდსმენი და ოჯახების ადვოკატებიც.

კვირიკაშვილთან შეხვედრის სურვილი გუშინ ზაზა სარალიძემ გამოთქვა. რის შემდეგაც ვაშაძემ განაცხადა, რომ მთავრობის ადმინისტრაციასთან ამ საკითხზე შეთანხმება არ ყოფილა და მიზანი დიალოგის დაწყებაა. მისივე განმარტებით, შეხვედრის მიზანია მთავრობის გადადგომა.

დღეს, 4 ივნისს პრემიერის პრესსამსახურმა განაცხადა, რომ კვირიკაშვილი ზაზა სარალიძეს და ლევან დადუნაშვილის ოჯახს, სახალხო დამცველთან ერთად, პოლიტიკური პარტიების გარეშე შეხვდებოდა.

მალხაზ მაჩალიკაშვილის განცხადებით, ის რომ პრემიერი მხოლოდ ხორავას ქუჩაზე მოკლულის მშობლებს ხვდება და მასთან შეხვედრა არ ისურვა დისკრიმინაციული მოტივებითაა განპირობებული.

ზაზა სარალიძემ განაცხადა, რომ პრემიერთან შეხვედრაზე მარტო არ შევა. მისი თქმით, შეხვედრას უნდა დაესწროს შვილმკვდარი მშობლებიც, საზოგადოებრივი ჯგუფებიც და პოლიტიკოსებიც. მისივე თქმით, მთავრობას ულტიმატუმებით ლაპარაკის უფლება არ აქვს.