ბაკურ სულაკაურის გამომცემლობამ მედიცინის შესახებ ახალი წიგნი გამოსცა. "მედიცინის ილუსტრირებული ისტორია“ წიგნია, რომელიც მოგვითხრობს მედიცინის გასაოცარ ისტორიას ანტიკური პერიოდიდან დღემდე.

შესანიშნავი ილუსტრაციები და ყოვლისმომცველი ტექსტი საინტერესოდ აღგვიწერს წარმოუდგენელ მიღწევებს დიაგნოსტიკის, ქირურგიისა და სამკურნალო საშუალებების შექმნის სფეროში. ის გვიამბობს იმ ადამიანების შესახებ, რომლებმაც დიდი წვლილი შეიტანეს მეცნიერების ამ დარგის განვითარებაში. საილუსტრაციოდ გამოყენებული საოცარი ფოტოები და დიაგრამები ნათლად ასახავს ადამიანის ანატომიას, დაავადებებსა და სამკურნალო პრაქტიკების განვითარების საუკუნოვან გზას.

ფოტო: ბაკურ სულაკაურის გამომცემლობა

"მედიცინის ილუსტრირებული ისტორია" დავით ტვილდიანის სამედიცინო უნივერსიტეტის მხარდაჭერით გამოიცა.

4 და 5 ივნისს წიგნის შეძენა 25%-იანი ფასდაკლებით ბაკურ სულაკაურის გამომცემლობის მაღაზიაში შეგიძლიათ, რომელიც ჭავჭავძის 15-ში მდებარეობს. ამ წიგნის შეძენა მაღაზია "სანტა ესპერანსას" ყველა ფილიალშიცაა შესაძლებელი.