ილიას სახელმწიფო უნივერსიტეტში ცნობილი ესპანელი არქიტექტორის, ენრიკე სობეხანოს საჯარო ლექცია გაიმართა. ლექციის განმავლობაში სობეხანომ დამსწრე აუდიტორიას თავისი გამოცდილებისა და სამუშაო სპეფიციკის შესახებ ესაუბრა. ასევე, ესპანელმა არქიტექტორმა განიხილა მისი სამუშაო ჯგუფის მიერ შესრულებული სამუშაოები და მათ კულტურულ მნიშნელობაზეც გაამახვილა ყურადღება.

ენრიკე სობეხანო არქიტექტურული ბიუროს Nieto Sobejano Arquitectos ერთ-ერთი დამფუძნებელია. ბიურო ძირითადად მადრიდსა და ბერლინში მოღვაწეობს. მის საქმიანობაში შედის კულტურული ობიექტების რეკონსტრუქცია და თანამედროვე მოთხოვნებთან ადაპტირება.

ლექციის მსვლელობის მან განიხილა ისეთი პროექტები, რომელიც კულტურული ობიექტების მუზეუმებად გადაკეთებას ეხებოდა. მან აღნიშნა, რომ ეს პროცესი ძალიან საპასუხისმგებლოა, ვინაიდან არქიტექტორს ერთის მხრივ უწევს შინაარსის გათვალისწინება, მეორეს მხრივ კი ისტორიულ გარემოსთან ადაპტაცია თანამედროვე მეთოდებით. მან მსნელებს აუხსნა, თუ როგორია მისი და მისი ბიუროს ფილოსოფია.

ფოტო: დიმიტრი სანაია

ენრიჯე სობეხანოს თქმით, მისი სამუშაო ჯგუფი მუდმივად ცდილობს გაითვალისწინოს ეკოლოგიური პროცესები, მშენებლობის ადგილის პერიმეტრი და ქალაქის ისტორიული წარსული. ამ გზით, ისინი ახერხებენ, რომ შექმნან განსაკუთრებული მახასიათებლების მქონე თანამედროვე მუზეუმები, რომელიც მთლიანად მორგებულია მის შინაარსა და კონცეფციას.

მან დეტალურად ისაუბრა კულტურის ობიექტების რეკონსტრუქცია-ადაპტირებაზე სამუზეუმო კომპლექსებისთვის, თანამედროვე არქიტექტურის როლზე ისტორიულ გარემოში და არქიტექტურის, ბუნებრივი და ხელოვნური განათების ორგანული სიმბიოზზე.

ფოტო: დიმიტრი სანაია

ენრიკე სობეხანომ ქართულ არქიტექტურაზეც ისაუბრა. მისი თქმით, ძალიან მოკლე პერიოდში მას უკვე შეექმნა მცირე წარმოდგენა საქართველოს არქიტექტურულ კულტურაზე. სობეხანომ თქვა, რომ თბილისის ზოგიერთი უბანი პირდაპირ ინახავს იმ მრავალწლიან ისტორიას, რომელიც ქალაქს არქიტექტურასთან აკავშირებს. მიუხედავად ამისა, ენრიკე სობეხანოს აზრით, თბილისის თანამედროვე არქიტექტურას დაფიქრება სჭირდება, რათა არ წაიშალოს ის კონცეფცია, რომელიც ქალაქმა ამდენი საუკუნის განმავლობაში შემოინახა.

არქიტექტურული ბიუროს Nieto Sobejano Arquitectos-ს არაერთი ცნობილი პროექტი ეკუთვნის. მათ შორისაა მადინატ-ალ-ზაჰრას მუზეუმი ქალაქ კორდობაში, მორიცბურგის ხელოვნების მუზეუმი ქალაქ ჰაალში, სან-ტელმოს მუზეუმი სან-სებასტიანში და სხვ.