გიორგი მარგველაშვილმა გიორგი გაბუნიას გადაცემა არჩევანში ინტერვიუს დროს, რომელიც პრეზიდენტის სასახლეში ჩაიწერა, განაცხადა, რომ ბიძინა ივანიშვილი, იმის მიუხედავად თავს მოქალაქეს უწოდებს თუ არა, პოლიტიკაშია.

"ბიძინა ივანიშვილი პოლიტიკაშია, ის არის პარტია ქართული ოცნების ლიდერი და სახე, მან განაცხადა, რომ ის არის ქართული ოცნების მხარდამჭერი. ის არის თუ არა სიაში, მეორე საკითხია. ყველა პოლიტიკაშია, ვინც არის ამა თუ იმ პარტიის მხარდამჭერი" - განაცხადა პრეზიდენტმა.

მოგვიანებით მარგველაშვილმა დასძინა, რომ ის ამ განცხადებაში არ გულისხმობს, ყოფილი პრემიერის მხრიდან პოლიტიკური პროცესების მართვას, რადგან ამაზე მას ფაქტები არ აქვს:

"მხოლოდ ის ვიცი, რომ მე არ მმართავს, დანარჩენი არის ჭორი".