პირი, რომელმაც ცოლს ქუჩაში, ხალხმრავალ ადგილას სიტყვიერი და ფიზიკური შეურაცხყოფა მიაყენა და დაზარალებულის გონების დაკარგვის შემდეგ ისევ აგრძელებდა მის ცემას სასამართლომ დამნაშავედ ცნო და 6 თვით თავისუფლების აღკვეთა მიუსაჯა.

შემთხვევა 2018 წლის 23 იანვარს მოხდა. პროკურატურის ინფორმაციით, აღნიშნულ პირს ბრალდება საქართველოს სისხლის სამართლის კოდექსის 1261-ე მუხლის პირველი ნაწილით წარედგინა, რაც ოჯახის ერთი წევრის მიერ ოჯახის სხვა წევრის მიმართ ძალადობას გულისხმობს, რამაც ფიზიკური ტკივილი გამოიწვია.