სურსათის ეროვნულმა სააგენტომ გორის რაიონის სოფელ კარალეთში ფრინველთა უკანონო სასაკლაო აღმოაჩინა.

უწყების შიდა ქართლის ინსპექტორებმა ინდივიდუალური მეწარმე გეგმურად შეამოწმეს. ობიექტზე კრიტიკული დარღვევები დაფიქსირდა. ობიექტს არც სავალდებულო აღიარება ჰქონდა გავლილი და არც ეკონომიკურ საქმიანობათა რეესტრში იყო დარეგისტრირებული.

შედეგად, კანონდამრღვევი მეწარმე დააჯარიმეს და არალეგალურ სასაკლაოს საწარმოო პროცესი შეუჩერეს .

"შიდა ქართლის დეპარტამენტის ინსპექტორებმა სახელმწიფო კონტროლის ფარგლებში ინდივიდუალური მეწარმე თ. ჭ.-ის (მისამართი: გორის რაიონი, სოფ კარალეთი) კუთვნილი ფრინველთა სასაკლაო შეამოწმეს. ინსპექტირების შედეგად ობიექტზე კრიტიკული შეუსაბამობები გამოვლინდა. ამასთან, დადგინდა, რომ ბიზნესოპერატორი სავალდებულო აღიარებისა და ეკონომიკურ საქმიანობათა რეესტრში რეგისტრაციის გარეშე საქმიანობდა.

გამოვლენილი დარღვევების გამო მეწარმე დაჯარიმდა და საწარმოო პროცესი შეუჩერდა.

სურსათის ეროვნული სააგენტო მთელი ქვეყნის მასშტაბით აგრძელებს არალეგალური საწარმოებისა და სასაკლაოების გამოვლენას. სააგენტო ბიზნესოპერატორებს მოუწოდებს, საქმიანობა კანონმდებლობის მოთხოვნების სრული დაცვით განახორციელონ და არ აწარმოონ სურსათი შესაბამისი აღიარებისა და რეგისტრაციის გარეშე", — წერია სეს-ის განცხადებაში.