დღეს, 8 მაისს საფრანგეთის ქალაქ კანში, ერთ-ერთი ყველაზე პრესტიჟული კინოფესტივალი 71-ედ აიღებს სტარტს.

წელს ჟიურის პრეზიდენტი ავსტრალიელი მსახიობი, ქეით ბლანშეტია, დანარჩენი წევრები კი - ჩინელი მსახიობი ჩენგ ჩენი, ამერიკელი სცენარისტი, რეჟისორი და პროდიუსერი ავა დიუვერნი, ფრანგი რეჟისორი, სცენარისტი და პროდიუსერი რობერტ გედიგიანი, ფრანგი მსახიობი ლეა სეიდუ, ამერიკელი მსახიობი კრისტენ სტიუარტი, კანადელი რეჟისორი და სცენარისტი დენის ვილნევი და სხვები.

კინოფესტივალ ორი ოსკარის მფლობელი რეჟისორის, ასგარ ფარჰადის ფილმი, Everybody Knows, გახსნის.

დღეს ჟიურის წევრებს ფესტივალის ფარგლებში პირველი ოფიციალური ფოტოსესია ჰქონდათ, შემდეგ კი ჟურნალისტებთან შესახვედრად გაეშურნენ.