ჩრდილოეთ კორეის საგარეო საქმეთა სამინისტროს ინფორმაციით, შეერთებული შტატების პროვოკაცია კორეის ნახევარკუნძულზე სამშვიდობო პროცესს ემუქრება. ამის შესახებ BBC იუწყება.

"ორ ქვეყანას შორის ისტორიული სამიტის გამართვასა და შეთანხმების მიღწევაში აშშ-ის მხრიდან ზეწოლას და სანქციებს არავითარი როლი არ უთამაშია", - ნათქვამია ჩრდილოეთ კორეის საგარეო საქმეთა სამინისტროს განცხადებაში.

სამინისტროს წარმომადგენლები მიიჩნევენ, რომ ჩრდილოეთ კორეის სამშვიდობო ინიციატივა ვაშინგტონში ფხენიანის სისუსტედ არ უნდა ჩათვალონ.

27 აპრილს, კორეის ნახევარკუნძულისთვის ისტორიული დღე იყო. ჩრდილოეთ კორეისა და სამხრეთ კორეის ლიდერები ერთმანეთს შეხვდნენ და სამხრეთ კორეის ტერიტორიაზე სამიტი გამართეს.

1953 წლის შემდეგ ის იყო პირველი შემთხვევა, როდესაც ჩრდილოეთ კორეის ლიდერი სამხრეთ კორეის ტერიტორიაზე გადავიდა.

ორივე კორეის ლიდერები ნახევარკუნძულის ბირთვულ განიარაღებაზე შეთანხმდნენ. მათ, ასევე, პირობა დაადეს, რომ კორეის ომი მიმდინარე წელს დასრულდება.

აპრილის ბოლოს დონალდ ტრამპა ჟურნალისტებს განუცხადა, რომ მაისის თვეში შეხვდებოდა კიმ ჩენ ინს.