პრეზიდენტ ერდოღანის ბრალდებას, რომ ის დგას თურქეთში განვითარებული სახელმწიფო გადატრიალების მცდელობის უკან, აშშ-ში მცხოვრები თურქი სასულიერო პირი ფეტულა გიულენი უარყოფს.

როიტერის ცნობით, გიულენი დაემორჩილება აშშ-ს მხრიდან თურქეთში მისი ექსტრადირების გადაწყვეტილებას.

ფეტულა გიულენმა ამის შესახებ 17 ივლისს განაცხადა და დასძინა, რომ გადატრიალების მცდელობა თავად პრეზიდენტ რეჯეპ ტაიპ ერდოღანის დადგმულია.

"მე საერთოდ არ ვნერვიულობ ექსტრადირების მოთხოვნაზე" - უთხრა გიულენმა ჟურნალისტებს.

თურქეთის ოფიციალურმა პირებმა განაცხადეს, რომ მზადდება აშშ-ში გასაგზავნი ექსტრადირების მოთხოვნა. ამერიკის მთავრობა აცხადებს, რომ ის განიხილავს ყველა ოფიციალურ მოთხოვნას.

გაიგეთ მეტი: