თურქეთის იუსტიციის მინისტრის, ბეკირ ბოზდაგის ინფორმაციით, სამართალდამცავმა ორგანოებმა სახელმწიფო გადატრიალების მცდელობაში ბრალდებული 6 ათასი პირი უკვე დააკავა. ინფორმაციას BBC ავრცელებს.

მისი თქმით, ე.წ. "გაწმენდვითი სამუშაოები" კვლავ გრძელდება და დაკავებულთა რიცხვი კიდევ გაიზრდება. დაპატიმრებულთა შორის არიან მოსამართლეები და მაღალი თანამდებობის მქონე სამხედროები.

Reuters-ის ცნობით, ბოლო მონაცემების თანახმად, გარდაცვლილია სულ ცოტა 265 ადამიანი, საიდანაც 161 მშვიდობიანი მოქალაქე ან პოლიციელი, დანარჩენი 104 კი გადატრიალებაში მონაწილე პირია. დაშავდა 1 000-ზე მეტი ადამიანი. ამასთან, თანამდებობა დაატოვებინეს 2,745 მოსამართლეს, დაკავებულია 140 მათგანი.

როგორც თურქეთის პრეზიდენტმა, რეჯეპ ტაიპ ერდოღანმა განაცხადა, გადატრიალების მცდელობაში მონაწილეებს მომხდარი "ძვირად დაუჯდებათ".