სასამართლომ ლადო სადღობელაშვილს და ქართული მარშის 5 წევრი პატიმრობაში დატოვა. სასამართლომ გადაწყვეტილება რამდენიმე წუთის წინ გამოაცხადა, რამაც დარბაზში მყოფი მარშის წევრების პროტესტი გამოიწვია.

სასამართლომ არ გაითვალისწინა საქართველოს პარლამენტის წევრების შუამდგომლობა თავდებობასთან დაკავშირებით. ნეონაცისტური ჯგუფის წევრებს თავდებად ქართული ოცნების ორი დეპუტატი, გია ჟორჟოლიანი და დავით ჭიჭინაძე და პატრიოტთა ალიანსის ორი დეპოუტატი, ადა მარშანია და ემზარ კვიციანი უდგებოდნენ.

ადევნეთ თვალი On.ge-ს პირდაპირ ეთერს თბილისის საქალაქო სასამართლოდან.

19 მარტს ნეონაცისტური დაჯგუფების, ქართული მარშის წევრებმა რუსთავი 2-თან აქცია გამართეს. მათ მიაჩნიათ, რომ ტელეწამყვანმა გიორგი გაბუნიამ მორწმუნეთა "რელიგიურ გრძნობებს" შეურაცხყოფა მიაყენა, როცა 18 მარტს გადაცემა P.S.-ში იესო ქრისტეს ჯვარცმაზე ისაუბრა.

აქციაზე ქართული მარშის წევრებმა, რუსთავი 2-ის ჟურნალისტს დავით ერაძეს სცემეს. მათ რუსთავი 2-ის იურისტის, თამთა მურადაშვილის მანქანას, რომელშიც გიორგი გაბუნიაც იჯდა, ალყა შემოარტყეს. პოლიციამ ქართული მარშის ექვსი წევრი დააკავა. მათ ბრალი ხულიგნობისა და ძალადობის მუხლით წარუდგინეს.

თბილისის საქალაქო სასამართლომ ქართული მარშის 6 წევრს აღმკვეთი ღონისძიების სახით პატიმრობა შეუფარდა, რის შემდეგაც მარშის წევრებმა "სასიკვდილო შიმშილობა" გამოაცხადეს.

გაიგეთ მეტი: