პრემიერმინისტრი გიორგი კვირიკაშვილი მიიჩნევს, რომ თვითმმართველობებსა და სტუდენტთა პროტესტს წარსულში პოლიტიკური მიზნებისთვის იყენებდნენ.

"ძალიან სამწუხაროა, რომ თვითმმართველობაზე შეიქმნა ნეგატიური აზრი ზოგადად, წარსულში პრეცენდენტების გამო, როდესაც, გარკვეულწილად თვითმმართველობასა და სტუდენტების გულწრფელ პროტესტს პოლიტიკოსები იყენებდნენ თავიანთი მიზნებისთვის", - ეს განცხადება გიორგი კვირიკაშვილმა 17 მარტის მთავრობის სხდომაზე გააკეთა.

კვირიკაშვილმა დადებითად შეაფასა სტუდენეტების მიერ პროტესტის შეწყვეტისა და უნივერსიტეტში სწავლის აღდგენის პროცესი. მისივე თქმით, უმაღლესი განათლების სისტემის რეფორმა მთავრობის რეფორმირების გეგმის ნაწილია. პრემიერმა დაინტერესებულ სტუდენტებს მოუწოდა მონაწილეობა მიიღონ სისტემის რეფორმირებაში.