აშშ-ს პრეზიდენტმა, დონალდ ტრამპმა, სირიის სამთავრობო ბაზების დაბომბვაზე განაცხადა, რომ ეს იყო იდეალურად შესრულებული დარტყმა.

"გუშინ ღამით შესრულებული იდეალური დარტყმა. მადლობა საფრანგეთსა და დიდ ბრიტანეთს მათი სიბრძნესა და სამხედრო ძალისთვის. უკეთესი შედეგი შეუძლებელი იყო. მისია შესრულებულია!" - წერს ტრამპი ტვიტერზე.

აშშ-ს პრეზიდენტმა დონალდ ტრამპმა, სირიის სამთავრობო ბაზების წერტილოვანი დაბომბვის ბრძანება 14 აპრილს, გვიან ღამით გასცა. გადაწყვეტილებას შეურთდა დიდი ბრიტანეთისა და საფრანგეთის შეიარაღებული ძალებიც.

დიდი ბრიტანეთის პრემიერ-მინისტრის, ტერეზა მეის გაცხადებით, სირიის სამთავრობო ბაზების დაბომბვა სამოქალაქო ომში ჩარევა ან რეჟიმში შეცვლის მცდელობა არ არის. მისი თქმით, დიდი ბრიტანეთი მოკავშირეებთან ერთად საერთაშორისო ნორმების ეროზიას არ დაუშვებს.

გასულ უქმეებზე, სირიის სამთავრობო ძალების მხრიდან ქალაქ დუმაში განხორციელებული ქიმიური შეტევის შედეგად 70 ადამიანი დაიღუპა, ხოლო დაახლოებით 500 საავადმყოფოებში ქიმიური ინტოქსიკაციის ნიშნებით მოხვდა.

ქიმიური იარაღის გამოყენების ფაქტი, დაადასტურა ჯანდაცვის მსოფლიო ორგანიზაციამაც.

გაიგეთ მეტი: