დიდი ბრიტანეთის პრემიერ-მინისტრის ტერეზა მეის გაცხადებით, სირიის სამთავრობო ბაზების დაბომბვა სამოქალაქო ომში ჩარევა ან რეჟიმში შეცვლის მცდელობა არ არის.

ტერეზა მეის თქმით, დიდი ბრიტანეთი მოკავშირეებთან ერთად საერთაშორისო ნორმების ეროზიას არ დაუშვებს.

"სირიის რეჟიმის მუდმივი მსგავსი ქმედებები უნდა შეწყდეს, არა მხოლოდ იმის გამო, რომ უდაშაულო ადამიანები სიკვდილისგან დავიცვათ, არამედ ჩვენ ვერ დავუშვებთ საერთაშორისო ნორმების ეროზიას, რომელიც ქიმიური იარაღის გამოყენებას კრძალავს. ამის მისაღწევად ყველა დიპლომატიური არხი გამოვიყენეთ, მაგრამ ჩვენი მცდელობები ჩაიშალა. თუნდაც ამ კვირაში რუსეთმა ვეტო დაადო გაეროს უშიშროების საბჭოს რეზოლუციას, რომელიც ქიმიური თავდასხმის დამოუკიდებელ გამოძიებას ითვალისწინებდა", - განაცხადა ტერეზა მეიმ.

მისი განმარტებით, ძალის გამოყენების გარდა, სხვა პრაქტიკული ალტერნატივა არ არსებობს.

"საქმე არ ეხება სამოქალაქო ომში ჩარევს ან რეჟიმის შეცვლას. ესაა შეზღუდული იერიში, რომელიც ვითარების დამატებით ესკალაციას არ ახდენს", - აცხადებს ტერეზა მეი.

პრემიერ-მინისტრმა ვიდეომიმართვა ფეისბუქის ოფიციალურ გვერდზე გამოაქვეყნა.

აშშ-ს პრეზიდენტმა დონალდ ტრამპმა, სირიის სამთავრობო ბაზების წერტილოვანი დაბომბვის ბრძანება გასცა. გადაწყვეტილებას შეურთდა დიდი ბრიტანეთისა და საფრანგეთის შეიარაღებული ძალებიც.

გასულ უქმეებზე, სირიის სამთავრობო ძალების მხრიდან ქალაქ დუმაში განხორციელებული ქიმიური შეტევის შედეგად 70 ადამიანი დაიღუპა, ხოლო დაახლოებით 500 საავადმყოფოებში ქიმიური ინტოქსიკაციის ნიშნებით მოხვდა.

ქიმიური იარაღის გამოყენების ფაქტი, დაადასტურა ჯანდაცვის მსოფლიო ორგანიზაციამაც