საქართველოს კომუნიკაციების ეროვნული კომისიის თავმჯდომარე კახა ბექაური ფიქრობს, რომ ინტერპრეტაციები, რომელიც რუსეთის სახელმწიფო მედიის, NTV Plus-ის ქართულ მედიაბაზარზე შემოსვლას მოყვა, რეალობის არარეალობად წარმოდგენა, დამახინჯება იყო. ამის შესახებ კახა ბექაურმა პირველი არხის გადაცემა კვირის ინტერვიუში განაცხადა.

მისი თქმით, NTV Plus ისე, როგორც არის წარმოდგენილი, რუსული პროპაგანდისტული არხების გამავრცელებელია და მათ პაკეტში, რა თქმა უნდა, რუსული საინფორმაციო არხები არსებობს, მაგრამ ეს ქართული ბაზრისთვის სიახლე არ არის.

"NTV Plus რომ რუსულ პროპაგანდისტულ არხებს ავრცელებს, ეს კითხვის ნიშნის ქვეშ არ დგას, მაგრამ საქართველოში არსებული ყველა საკაბელო ოპერატორი ყოველთვის ავრცელებდა არხებს, რომლებსაც რუსულ პროპაგანდისტულ არხებად მოვიხსენიებთ. NTV Plus–ის პაკეტში შემავალი რუსული საინფორმაციო არხების მაუწყებლობა საქართველოში არასდროს შეწყვეტილა და დღეს ამ არხებს საკაბელო არხების 650 000 აბონენტი უყურებს", - განაცხადა ბექაურმა.

ბექაურის თქმით, NTV Plus თავად არცერთი რუსული საინფორმაციო არხის მწარმოებელი არ არის.

"ეს არის კომპანია, რომელსაც თვითონ მხოლოდ სპორტული და გასართობი კონტენტი აქვს. საერთო მაუწყებელი NTV, NTV Plus-ის ნაწილი არ არის. NTV Plus ცალკე სატელიტური პლატფორმაა, რომელიც სატელიტური სერვისის მიმწოდებელია. ის მაუწყებლობის თანამგზავრულ ტრანზიტს ახორციელებს, რომელიც მხოლოდ რუსეთში არ არის, არის უკრაინაში, ყაზახეთში და ბევრგან. NTV Plus-ის პაკეტში 290-ზე მეტი არხია, მათ შორის უცხოური არხები - BBC, CNN და სხვა", - განაცხადა კახა ბექაურმა.

უმსხვილეს რუსულ სახელმწიფო მედიაჰოლდინგს, გაზპრომ-მედიასშვილობილი კომპანია NTV-PLUS, რომელიც შემოდის საქართველოში არხების მხოლოდ თანამგზავრით რეტრანსილირების უფლება აქვს. ნტვ-პლუსმა საქართველოში რეგისტრაცია 2016 წლის 12 სექტემბერს გაიარა და ავტორიზაცია მიიღო. გაზპრომ-მედიას ადგილობრივი პარტნიორი კომპანია მედია ჯგუფი იქნება.

გაზპრომ-მედიას ადგილობრივი პარტნიორი კომპანია მედია ჯგუფი იქნება. სწორედ ეს კომპანია იქნება დაკავებული პროდუქციის მარკეტინგული, ტექნიკური მხარდაჭერით. კომპანიის 50-პროცენტიან წილებს დავით ნაკაშიძე და გულნარა ხეჩოშვილი ფლობენ.

NTV-PLUS-ის შემოსვლასთან დაკავშირებით მანიფესტი შეიქმნა, რომლითაც ხელმომწერები მთავრობას, სახელმწიფო უსაფრთხოების სამსახურს, კომუნიკაციების მარეგულირებელ კომისიას NTV-PLUS-ისთვის რეგისტრაციის გაუქმებას ითხოვენ.

ამავე თემაზე: