საქართველოს კომუნიკაციების ეროვნულ კომისიაში აცხადებენ, რომ არ იციან რუსული სახელმწიფო მედიაჰოლდინგის ნაწილმა, NTV-PLUS-მა საქართველოში უკვე დაიწყო თუ არა არხების რეტრანსილირება. ამის შესახებ On.ge-ს კომისიიდან წერილობით აცნობეს და საკითხის დასაზუსტებლად კომპანიასთან გადაგვამისამართა.

უმსხვილეს რუსულ სახელმწიფო მედიაჰოლდინგს, გაზპრომ-მედიას შვილობილი კომპანია NTV-PLUS, რომელიც შემოდის საქართველოში არხების მხოლოდ თანამგზავრით რეტრანსლირების უფლება აქვს.

კომუნიკაციების კომისიაში აღნიშნავენ, რომ უცხოურ კომპანიას საქართველოში საქმიანობის დაწყება მხოლოდ ავტორიზაციის საფუძველზე არ შეუძლია. უწყებაში განმარტავენ, რომ კომპანიამ სამეწარმეო რეესტრში რეგისტრაციის დამადასტურებელი საბუთი უნდა წარადგინოს.

კომისიის განცხადებით, წერილობით მიმართავენ ნტვ-პლუსს, რათა წარადგინოს სამეწარმეო რეესტრიდან ამონაწერი.

კომპანიის მიზანი

კომპანიის ქართულ ბაზარზე შემოსვლას, გამოეხმაურა НТВ-плюс-ის გენერალური დირექტორი, მიხეილ დიომინი.

"გეოგრაფიული ექსპანსია, ჩვენს სტრატეგიულ ამოცანებში შედის. საქართველო, თავისთავად, პერსპექტიული ბაზარია, თუმცა ჩვენ საქართველოში მაუწყებლობის დაწყებას არ განვიხილავთ მხოლოდ ბიზნეს საქმიანობად. უამრავი ასპექტით, საქართველოში მაუწყებლობის დაწყება ჩვენთვის სოციალურ მისიას წარმოადგენს. ჩვენ, ასევე, არ გამოვრიცხავთ მომავალში დსთ-ს ქვეყნებში შესვლას", - ამბობს ის.

სუს-ის ანგარიში

10 აპრილს სახელმწიფო უსაფრთხოების სამსახურმა პარლამენტში ანგარიში წარადგინა. ანგარიშის მიხედვით, საკუთარი ამოცანების შესასრულებლად, სხვადასხვა ქვეყნების სპეცსამსახურები აქტიურად იყენებენ "ჰიბრიდული ომის" ტაქტიკას, რომლის საშუალებითაც პროპაგანდისტული მედიაკამპანიისა და სხვადასხვა საშუალებების გამოყენებით სასურველი შედეგის მიღებას ცდილობენ.