"ვიმედოვნებ, რომ NTV Plus-ის ქართულ მედიაბაზარზე შემოსვლა რუსეთზე ჩვენს წარმოდგენებს გაამდიდრებს, - პატრიოტთა ალიანსის ერთ-ერთმა ლიდერმა, ადა მარშანიამ რუსული სახელმწიფო მედიაჰოლდინგის კომპანიის საქართველოში შემოსვლა შეაფასა.

"თუ მოსახლეობას არხი ძალიან არაობიექტურ, დამახინჯებულ და ტენდენციურ ინფორმაციას აწვდის, ნებისმიერი არხი საშიშია, გნებავთ NTV Plus იყოს და გნებავთ დოიჩე ველე. აქედან გამომდინარე, გააჩნია, მას რა საინფორმაციო პოლიტიკა ექნება. მე ვიმედოვნებ, რომ ეს მიმდინარე პროცესებზე და რუსეთზე ჩვენს წარმოდგენებს გაამდიდრებს. ასე ვუყურებ მე NTV Plus-ის შემოსვლას. საფრთხე ბევრ რამეში შეიძლება იყოს, არა მხოლოდ რუსეთიდან მომდინარე. საფრთხეს ბევრი ფორმა და სახე აქვს. მთავარია, რომ ჩვენ ამა თუ იმ არხის მოღვაწეობა და მოქმედება საღი გონებით და ჯანსაღი პოზიციებიდან შევაფასოთ", - ამბობს ადა მარშანია.

უმსხვილეს რუსულ სახელმწიფო მედიაჰოლდინგს, გაზპრომ-მედიას შვილობილი კომპანია NTV-PLUS, რომელიც შემოდის საქართველოში არხების მხოლოდ თანამგზავრით რეტრანსილირების უფლება აქვს. ნტვ-პლუსმა საქართველოში რეგისტრაცია 2016 წლის 12 სექტემბერს გაიარა და ავტორიზაცია მიიღო. გაზპრომ-მედიას ადგილობრივი პარტნიორი კომპანია მედია ჯგუფი იქნება.

გაზპრომ-მედიას ადგილობრივი პარტნიორი კომპანია მედია ჯგუფი იქნება. სწორედ ეს კომპანია იქნება დაკავებული პროდუქციის მარკეტინგული, ტექნიკური მხარდაჭერით. კომპანიის 50-პროცენტიან წილებს დავით ნაკაშიძე და გულნარა ხეჩოშვილი ფლობენ.

NTV-PLUS-ის შემოსვლასთან დაკავშირებით მანიფესტი შეიქმნა, რომლითაც ხელმომწერები მთავრობას, სახელმწიფო უსაფრთხოების სამსახურს, კომუნიკაციების მარეგულირებელ კომისიას NTV-PLUS-ისთვის რეგისტრაციის გაუქმებას ითხოვენ.

პატრიოტთა ალიანსის წევრები, დეპუტატების რანგში, მოსკოვში ვიზიტით ორჯერ ომყოფებოდნენ. პირველ შეხვედრაზე მათ რუს კოლეგებს რუსეთ-საქართველო-ნატოს "ტრიადის" შექმნა შესთავაზეს, ხოლო მეორეზე - საქართველოში საერთაშორისო ფორუმში მონაწილეობა.