რუსეთის თავდაცვის სამინისტროს განცხადებით, სირიის სამთავრობო ძალებმა ქალაქ დუმაზე კონტროლი დაამყარეს. აღმოსავლეთ ღუტაში დუმა მეამბოხეების ბოლო საყრდენი პუნქტი იყო.

ბოლო რამდენიმე დღეა გაერო და ჰუმანიტარული ორგანიზაციები დუმაში ქიმიური თავდასხმის შესახებ საუბრობენ. დაპირისპირებული მხარეების შერიგების ცენტრის ხელმძღვანელმა, იური ევტუშენკომ განაცხადა, რომ სამთავრობო ძალები აღმოსავლეთ ღუტას სრულად აკონტროლებენ.

რუსეთის თავდაცვის სამინისტროს განმარტებით, დუმაში რუსეთმა სამხედრო პოლიციის ერთეულები შეიყვანა. სამთავრობო ძალების მიერ დუმის დაკავების შესახებ ინფორმაცია სხვა წყაროებიდან ჯერ არ ვრცელდება.

გაიგეთ მეტი: