ოკუპირებული აფხაზეთის დე ფაქტო საგარეო საქმეთა მინისტრი დაურ კოვე პრემიერ-მინისტრის, გიორგი კვირიკაშვილის "ნაბიჯი უკეთესი მომავლისკენ" ინიციატივას გამოეხამურა.

კოვეს თქმით, რეალური ზრახვების შენიღბვით, საქართველომ მორიგ ჯერზე "მოჩვენებითი კეთილგანწყობის გამოჩენა გადაწყვიტა".

"ამასთან დაკავშირებით მინდა საქართველოს პოლიტიკურ მმართველობას მივმართო, რომ შეწყვიტონ ტყუილები, რომლებიც მათ პოლიტიკურ ამბიციებს ემსახურება", - წერს კოევი თავის ფეუსბუქზე.

მისივე თქმით, ერთადერთი ნაბიჯი, რომელიც უკეთესი მომავლისკენ შეიძლება გადაიდგას, საქართველოს მხრიდან აფხაზეთის რესპუბლიკის აღიარებაა.

"ნაბიჯი უკეთესი მომავლისკენ", - პრემიერ-მინისტრმა გიორგი კვირიკაშვილმა დღეს, მთავრობის 4 აპრილის სხდომაზე, ახალი სამშვიდობო ინიციატივა გააჟღერა. მთავრობის ნაბიჯი მიზნად ისახავს აფხაზეთსა და ცხინვალის რეგიონებში მცხოვრები მოსახლეობის ჰუმანიტარული და სოციალურ-ეკონომიკური მდგომარეობის გაუმჯობესებას. ასევე, ნდობის აღდგენას და შერიგების პროცესის გააქტიურებას.