სტატისტიკის ეროვნული სამსახურის ინფორმაციით, 2017 წელს ლომბარდებს 609 ათასზე მეტი კლიენტი ჰყავს, მათგან 607 ათასი ფიზიკური პირია.

ფოტო: საქსტატი

2017 წლის ბოლოსათვის საქართველოში სალომბარდო საქმიანობით დაკავებული 875 მოქმედი ორგანიზაცია დაფიქსირდა. მათგან 55,7 პროცენტი თბილისში მდებარეობს, 12,1 პროცენტი იმერეთში, სამეგრელო-ზემო სვანეთში 9,9 პროცენტი, აჭარაში 9,7 პროცენტი, ხოლო სხვა რეგიონებში 12,6 პროცენტი.

ლომბარდების სალაროში არსებული ნაღდი ფულის მოცულობამ, 2017 წლის ბოლოსათვის 23,8 მლნ ლარი იყო. მათ შორის, 79,8 პროცენტი გამოსახული იყო ეროვნულ ვალუტაში, ხოლო დანარჩენი 20,2 პროცენტი - უცხოურ ვალუტაში.

2017 წლის განმავლობაში გაცემული სესხების მოცულობამ 405,8 მლნ ლარი შეადგინა. მათ შორის, 64,7 პროცენტი - ეროვნულ, ხოლო 35,3 პროცენტი - უცხოურ ვალუტაში. გაცემული სესხების 96,4 პროცენტი ფიზიკურ, ხოლო დარჩენილი 3,6 პროცენტი - იურიდიულ პირებზე მოდის.