როგორც იცით, ფრანკფურტის წიგნის ბაზრობაზე საქართველო საპატიო ქვეყანა იქნება.

საქართველოს ინოვაციების და ტექნოლოგიების სააგენტო აცხადებს კონკურსს -"შენი ინოვაციური საქართველოს" სტენდის კონცეფციაზე, რომელიც 2018 წლის ფრანკფურტის წიგნის ბაზრობაზე განთავსდება.

მონაწილეობის მიღება ნებისმიერ მსურველს შეუძლია, მიზანი კი საზოგადოების ჩართულობის გაზრდა და იდეების ხარისხის გაუმჯობესებაა. კონკურსის გამარჯვებული მიიღებს ფულად ჯილდოს პარტნიორი ორგანიზაციისგან.

კონცეფცია ქვეყნის ინოვაციურ და ტექნოლოგიურ პოტენციალს უნდა წარმოაჩენდეს. ამ გზით, გამარჯვებულს შანსი ეძლევა, ხმა მიაწვდინოს 50 000 საერთაშორისო სტუმარს, 120 სააგენტოს 40 ქვეყნიდან, 10 000 აკრედიტირებულ ჟურნალისტს და 2 400 ბლოგერს.

კონკურსზე დეტალური ინფორმაციის მიღება და აპლიკაციის შევსება ამ ბმულზე შეგიძლიათ.

განაცხადები მიიღება 27 მარტიდან - 16 აპრილის ჩათვლით.