ნაციონალური მოძრაობის წევრი ლევან ხაბეიშვილი ქალაქის მერს ბიუჯეტის თანხების პირადი მიზნებისთვის ხარჯვაში ადანაშაულებს. ლევან ხაბეიშვილის თქმით, კალაძე სარეზერვო ფონდის ფულით გაფრინდა მილანში, სადაც საქმიანი შეხვედრა არ გამართულა და მან მხოლოდ თმა შეიჭრა.

ხაბეიშვილის კრიტიკას კახი კალაძე ირონიით პასუხობს და ამბობს, რომ მილანში წასვლის მიზანი გართობა იყო და კონკრეტულად რაში დახარჯა ბიუჯეტის ფული, მოგვიანებით წერილობით აცნობებს ჟურნალისტებს:

"ქალაქის ბიუჯეტიდან ავიღე თანხები, წავედი მილანში. ბილეთებში დავხარჯე ქალაქის ბიუჯეტიდან აღებული თანხები. იქ კიდე ვიღაცეები დავპატიჟე ბარში, რესტორანში ამაზეც ქალაქის ბიუჯეტის თანხები იქნა დახარჯული. მერე თმებიც შევიჭერი, არ ვიცი მოგწონთ თუ არა, ესეც ქალაქის ბიუჯეტის თანხებით იყო".