ოჯახური დანაშაულისა და ოჯახში ძალადობის მსხვერპლის დაცვის მიზნით, პოლიციელის უფლებამოსილება გაიზრდება. კანონპროექტით, რომელსაც პარლამენტში განიხილავენ, სამართალდამცველებს ოჯახში ძალადობის ფაქტის დროს, შემაკავებელი ორდენის გამოცემის ვალდებულება ექნებათ.

პოლიცია ვალდებული იქნება გამოსცეს შემაკავებელი ორდერი მსხვერპლის დაცვის მიზნით, როცა გამოძიება დაწყებულია ან მიმდინარეობს შემდეგ დანაშაულებებზე:

  • განზრახ მკვლელობა;
  • განზრახ მკვლელობა დამამძიმებელ გარემოებაში;
  • თვითმკვლელობამდე მიყვანა;
  • ჯანმრთელობის განზრახ მძიმედ დაზიანება;
  • ჯანმრთელობის განზრახ ნაკლებად მძიმე დაზიანება;
  • ჯანმრთელობის განზრახ მსუბუქი დაზიანება;
  • ძალადობა;
  • გაუპატიურება;
  • სექსუალური ხასიათის სხვაგვარი ქმედება;
  • თავისუფლების უკანონო აღკვეთა სიცოცხლისათვის ან ჯანმრთელობისათვის საშიში;
  • ძალადობით ან ასეთი ძალადობის გამოყენების მუქარით;
  • მძევლად ხელში ჩაგდება სიცოცხლისათვის ან ჯანმრთელობისათვის საშიში ძალადობით ან ასეთი ძალადობის გამოყენების მუქარით;
  • წამება;
  • დამამცირებელი ან არაადამიანური მოპყრობა;
  • მუქარა;
  • ბინის ან სხვა მფლობელობის ხელშეუხებლობის დარღვევა ჩადენილი ძალადობით ან ძალადობის მუქარით;
  • გამოძალვა.

კანონპროექტის მიხედვით, პოლიციელს შეუძლია გამოცემული ორდერით პირს იარაღის ტარების უფლებაც შეუზღუდოს.

პროკურატურის 2017 წლის 19 ივლისის ანგარიშის მიხედვით, ოჯახური დანაშაულის ფაქტებზე სისხლისსამართლებრივი დევნა დაიწყო: 2014 წელს - 550; 2015 წელს - 1 066, 2016 წელს - 1 356, ხოლო 2017 წელს - 1 986 შემთხვევაში.