რამდენიმე კვირის წინ, "გრეის ანატომიის" ფანებმა შონდა რაიმსისგან კიდევ ერთი შემზარავი ამბავი გაიგეს. მე-14 სეზონის შემდეგ, შოუს კიდევ ორ მთავარ პერსონაჟი არიზონა რობინსი (ჯესიკა კეპშოუ) და ეიპრილ კეპნერი (სარა დრიუ) დატოვებენ.

ამ ამბავმა მაშინვე გამოიწვია დიდი აჟიოტაჟი და ყველაფერი სერიალში მთავარი როლის შემსრულებელ ელენ პომპეოს დაბრალდა.

მიზეზი მარტივი იყო - 2018 წელს პომპეო ტელევიზიის ისტორიაში ყველაზე მაღალანაზღაურებადი მსახიობი გახდა. ელენმა $20 მილიონიან კონტრაქტს მოაწერა ხელი.

მედიაში აქტიურად განიხილებოდა თემა, რომ ამ რაოდენობის ჰონორარი "გრეის ანატომიის" ბიუჯეტისთვის ზედმეტად ბევრი აღმოჩნდა, რის გამოც პროდიუსერებს კეპშოუსა და დრიუს გაშვება მოუხდათ.

ელენ პომპეომ გადაყწივტა ყველაფრისთვის ფარდა აეხადა და ენელ დეჯენერესის გადაცემაში სტუმრობის დროს განმარტებები გააკეთა.

"ამბავი, თითქოს ვინმე ჩემ გამო გაუშვეს სერიალიდან ტყუილია. არასდროს მიმიღია მონაწილეობა რომელიმე პერსონაჟის წასვლის თაობაზე დისკუსიაში და ვერ ვხვდები რატომ იშვერს თითს ყველა ჩემკენ. 16 მთავარი პერსონაჟი ჰყავს სერიალს, სცენარისტებისთვის ძალიან რთულია თითოეულ მათგანზე ისტორიის შექმნა და ხანდახან ხდება ისე, რომ ვიღაცას უწევს შოუს დატოვება. წლებია მათთაბ ვმუშაობ და ვმეგობრობ და ძალიან მიჭირს ასეთ ამბებთან შეგუება, რთულია, როცა იცი, რომ მომდევნო სეზონში ეს ადამიანები შეთან ერთად აღარ იქნებიან. ვერ ვხვდები მედია და სერიალის მაყურებელი რატომ არის ასე დაინტერესებული იმით, რომ ერთმანეთს გადაგვკიდოს, ჩვენ არ მართ მტრები, ჩვენ არ ვართ ერთმანეთის მოწინააღმდეგეები. პირიქით, ჩვენ ერთმანეთი გვიყვარს და ყოველთვის მხარს დავუჭერთ ერთმანეთს. არც ის არის ტრაგიკული თუ ვინმე შოუდა მიდის, მსხვერპლის როლს ნუ მოვარგებთ ნურავის, რადგან ჩვენ ძლიერი, დამოუკიდებელი ქალები ვართ და წინ ბევრი საინტერესო ამბავი გველოდება", - ამბობს პომპეო.

გრეის ანატომია ერთ-ერთი ყველაზე ხანგრძლივი სერიალია ტელევიზიის ისტორიაში. უკვე 14 წელია, მაყურებელი ხედავს ელენ პომპეოს გმირის, მერედიტ გრეის პერსონაჟის ზრდას დაბნეული სტაჟიორიდან ერთ-ერთ ყველაზე ძლიერ ექიმამდე, რომელმაც წარმატებისკენ გზა თავად გაიკვალა.

ამავე თემაზე: ელენ პომპეოს სექსიზმითა და უთანასწორობით სავსე გზა $20 მილიონიან ჰონორარამდე