ლონდონი ქმედებების საპასუხოდ რუსეთი დიდი ბრიტანეთის დიპლომატებს გააძევებს. ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა.

მას არც დიპლომატების რაოდენობა და არც კონკრეტული ვადები დაუსახლებია. მინისტრის თქმით, დეტალების შესახებ მოგვიანებით ისაუბრებს.

გუშინ, 14 მარტს დიდი ბრიტანეთის პრემიერ-მინისტრმა, რომ ბრიტანეთი 23 რუს დიპლომატს გააძევებს. დიპლომატებს ქვეყნის დასატოვებლად ერთი კვირა აქვთ.

გადაწყვეტილება მას შემდეგ მიიღეს, რაც ოფიციალურმა მოსკოვმა უპასუხოდ დატოვა ლონდონის ულტიმატუმი. ტერეზა მეიმ 12 მარტს, განაცხადა, რომ ბრიტანეთი 24 საათის განმავლობაში დაელოდებოდა მოსკოვის ოფიციალურ ახსნა-განმარტებას თუ როგორ მოხვდა ბრიტანეთის ტერიტორიაზე, რუსეთში დამზადებული ნერვო-პარალეპტიკური გაზი სახელწოდებით ნოვიჩოკი, რითიც იქნა მოწამლული სკრიპალი და მისი შვილი.

მოსკოვმა ულტიმატუმი უპასუხოდ დატოვა, თუმცა რუსეთის საგარეო საქმეთა მინისტრმა, სერგეი ლავროვმა დღეს დილით განაცხადა, რომ ოფიციალური მოთხოვნის მიღებიდან, მოსკოვი 10 სამუშაო დღის განმავლობაში ლონდონს ოფიციალურ პასუხს გადაუგზავნიდა.