1990-იანების 10 ყოველდღიური ჩვევა, რომლებიც დღეს უცნაურად ითვლება

დროის გასვლასთან ერთად ხშირად ვსაუბრობთ ტექნოლოგიურ განვითარებაზე, თაობათა ცვლილებაზე, ქალაქებისა და ქვეყნების გარდასახვაზე, თუმცა იშვიათად ვლაპარაკობთ იმაზე, თუ როგორ შეიცვალა ჩვენი ყოველდღიურობა.

ჩვენი ცხოვრების თითქმის ყველა პატარა დეტალი — დილის რუტინიდან დაწყებული, მეგობრებთან ერთად გართობით დასრულებული, 30 წლის წინანდელთან შედარებით, ძალიან განსხვავებულია. იმდენად, რომ დღევანდელი გადმოსახედიდან, 90-იანების ყოველდღიური ჩვევები ახლა უჩვეულოც კია.

აი, 10 რამ, რასაც 90-იანებში ვაკეთებდით, თუმცა დღევანდელი ყოველდღიურობიდან გამქრალია:

1. რესტორნებში მოწევა შესაძლებელი იყო

2. იმის გასაგებად, მეგობარი სახლში იმყოფებოდა თუ არა, კარზე ვუკაკუნებდით ან ბოლო ხმაზე ვეძახდით

კი, სწორად მიხვდით. ტელეფონზე ვერ მიწერდი და ვერ ჰკითხავდი, სად იყო. დიდი ალბათობით, ვერც დაურეკავდი, რადგან მთელ ოჯახს საერთო ტელეფონი ჰქონდა, რომელიც ხშირად დაკავებული ან ბავშვებისთვის ხელმიუწვდომელი იყო.

3. მთელი ოჯახი ერთ კომპიუტერს ვიზიარებდით

4. ვინმესთან შეხვედრა თუ გვქონდა დაგეგმილი, ადგილზე მივდიოდით და ვიმედოვნებდით, რომ ისინიც მოვიდოდნენ

ახლანდელი გადატვირთული ცხოვრების ფონზე მიჩვეულები ვართ, რომ ხშირად დათქმული გეგმები ბოლო წუთს გვეშლება, რადგან ან ჩვენ, ან მეგობარსა თუ პარტნიორს გადაუდებელი საქმე გამოუჩნდა. ამ შემთხვევაში ერთმანეთს ვუკავშირდებით, ვუბოდიშებთ და ვპირდებით, რომ სხვა დროს შევხვდებით.

აი, 90-იანებში ეს არ შეგეძლო, რადგან ერთმანეთს ასე სწრაფად ვერ ვუკავშირდებოდით. თუ შეხვედრის ადგილას მიხვიდოდით, მაგრამ თქვენი მეგობარი საათების განმავლობაში არ გამოჩნდებოდა, ამ დროს უკვე გასაგები ხდებოდა, რომ მოსვლა ვერ მოახერხა.

5. საყვარელი სიმღერის გასაგებად და ჩასაწერად რადიოს ვუსმენდით

6. უცნობ ინფორმაციას არა გუგლში, არამედ ენციკლოპედიაში ვეცნობოდით

7. მეგობართან დარეკვისას ჯერ მის მშობლებს ვესაუბრებოდით

სახლის ტელეფონს ხშირად პირველ რიგში სწორედ ზრდასრულები პასუხობდნენ. ასეთ შემთხვევაში, მხოლოდ მათთან გასაუბრებისა და მოკითხვის შემდეგ შეგეძლო, მეგობარს დალაპარაკებოდი.

8. კინოსეანსის დროის გასაგებად კინოთეატრში ვრეკავდით

9. სანამ GPS შეიქმნებოდა, ფიზიკურ რუკას ვიყენებდით

10. ტელეფონის ნომრებს ვიმახსოვრებდით ან დღიურში ვიწერდით

ბოლო ამბები:

გირჩევთ